Thanks for your incredible mahi during 2021

A message from Te Pūkenga Chief Executive, Stephen Town, to the network.

Newsletter KotuiKorero 2021 12 03 1

Kia ora e te whānau
 
Kua tata tonu mai te mutunga o tēnei tau nui te mahi a Te Pūkenga nā konei me tuku mihi au ki ō tātou hoa puta noa i te kōtuinga mō ngā mahi nui whakaharahara ahakoa ngā piki, ngā heke me ngā putanga kētanga o te wā.

He maha tonu ngā mea whakaharahara i roto i ngā marama tekau mā rua ka hori ake nei, ā, me kōrero au mō ētahi o ā tātou tutukitanga hei whakakapi i te tau nei o 2021.

Our key milestones over the past year
  • Kua nui haere tō tātou whānau. I te wāhanga tuarua o tēnei tau i rāhiritia a Competenz, a Connexis me BCITO kia uru mai ki raro i te maru o Pūkenga Work Based Learning Ltd, ā, hei te marama o Hānuere 2022 ka uru mai te MITO – kātahi te mea pai hei tīmata i te tau. Tāria te wā kia uru mai ētahi TITO hei te tau 2022.
  • He kaha tono tō mātou aronga ki ngā ākonga. I tēnei tau, ka whakaputahia te huinga pūrongo o Te Rito, e whakaaru ana i tā mātou mahi rangahau Ko te Ākonga te pūtake. Ko te āronga o ēnei pūrongo ko ā tātou tino ākonga tōmua, ngā ākonga whaikaha, ngā ākonga Māori, Pasifika hoki, ā, ka whakaatu hoki i ētahi momo hei pūtake anō mō ngā mahi e haere ake ana. Tēnei te mihi nui ki ngā tāngata katoa i whai koha mai ki tēnei mahi kia noho ko te ākonga te pūtake – arā, te whakarite i te Tikanga Manaaki Ākonga hou me te whakatutuki wawe i ngā kaupapa whaihua.
  • Ka kitea i te Pūrongo Kitenga o Te Pae Tawhiti, koia i whakaputahia i tēnei tau. Me kī ko tēnei tētahi pou o tō mātou ngākaunui kia whakatinanahia Te Tiriti o Waitangi i a tātou e mahitahi nei i runga i tēnei kaupapa.
  • Kua oti i a mātou ētahi hononga nui me ngā kaitukumahi, ngā ahumahi hoi, me te whakarite i ngā tino whakahoatanga me ngā whakaaetanga me ētahi whakahaere pērā i Te Wānanga o Aotearoa, Te Ope Kātua o Aotearoa me Pūkenga Pūngao Aotearoa. E mahitahi ana mātou me ētahi kaitukumahi ‘neke wawe’ me ngā rāngai ahumahi e hiahia ana ki te tuku akoranga ahumahi i runga i ngā huarahi hou, auaha hoki.
  • I arotahi mātou ki te kaupapa e ōrite ai te tuku whakaakoranga, me ngā tohu mātauranga huri noa te motu. E mōhio nei au he tokomaha tonu koutou i whai koha ki tēnei mahi, ā, ka nui taku mihi ki a koutou, me te aha, ka tāria kia haere tonu tēnei mahi ā te tau kei te tū mai.
  • Kua whakawhānuitia ō mātou hanganga kaitiakitanga, kia tū ai ngā Kōmiti Kaitiaki hou e toru – te Kōmiti Tohutohu Ākonga, te Kōmiti Tohutohu Kaimahi me te Kōmiti Māori. Ka whai māngai ia kōmiti ki te Kaunihera o Te Pūkenga, kia whai reo anō te Māori, ngā ākonga me ngā kaimahi ki te whakawhiti kōrero mō te āpōpō.
  • Kua rerekē ā mātou tikanga mahi i te pānga mai o KŌWHEORI-19 i tēnei tau me ōna wero anō. Nā reira i mate mātou ki te tautoko i ā mātou ākonga, ngā whānau, tētahi ki tētah hoki. Ehara i te mahi ngāwari heoi e mōhio nei au ki ngā toimahatanga i pā ki a koutou. Kei te mōhio hoki au ka tautoko tonu koutou i a koutou anō, kāore e kore ka pā tonu mai te KŌWHEORI-19 ki a tātou a te tau 2022.
  • Hei kupu whakamutunga, kua whai wā tātou ki te whakawhiti kōrero mō te āpōpō. Hohoro tonu te kaunuku haere i runga i tā mātou maher emahi, ā, ka tuku kōrero hoki mātou mō te Tauira Whakahaere i mua i te mutunga o te tau. I a tātou e ahu atu nei ki te tau 2022, he mea nui kia hāpai tātou katoa i tēnei mahi kia rite tātou mō te 1 o Hānuere 2023.

Ahakoa ēnei kaupapa nunui nei, e mōhio ana mātou arā anō ngā mahi e kawea ana ia te rā i roto i ngā rohe, ā, kāore tonu e kōrerotia ana i konei. Waihoki e mōhio nei mātou ki tēnei whakaumutanga nui e kawea haeretia ana, i a koutou e mahi ana, e whakariterite ana i a koutou anō i raro i ngā here o te urutā kua pā mai ki ō koutou whānau, hapori hoki, ā, kei whakapau kaha tonu koutou ki te tino mahi, arā, ko te whakaako i ā tātou ākonga kia tautoko tonuhia rātou katoa ahakoa te kaupapa, te whakaakoranga rānei, me te manaaki i ā koutou nā kaimahi. Ahakoa kāore i kōrerotia i runga ake nei, me mihi tonu au ki ngā mahi kei te kawea tonutia ka tika, me te mihi nui ki a koutou anō.
 
He nui tonu ngā mahi kei mua i a tātou mō te tau kei te tū mai, i a tātou e uru atu nei ki tētahi wāhanga anō o ngā mahi e pā na ki te Tauira Whakahaere.
 
Mō te taha ki a mātou ko te Kaunihera o Te Pūkenga me tā mātou rōpū arataki, tēnei te mihi nui ki a koutou mō ā koutou mah rangatira i tēnei tau. Me kore ake mātou i a koutou katoa!
 
Ko te manako ia ka whai wā koutou ki te noho tahi me ō koutou hoa, whānau hoki i roto i te wā hararei kei te tū mai.
 
Ngā mihi o te Kirihimete me te Tau Hou,
 
Nā Stephen