Ākuanei ka tae mai a Te Pūkenga ki tō rohe.

E hiamo ana te tīma a Te Pūkenga kia puta tinana atu ki ngā rohe o Aotearoa ā te marama o Hune ki te whakawhiti kōrero.

Staff sitting on bench smiling

Hei whai i tā mātou e ngākaunui nei ki te whakaanga ki te rāngai, ngā ākonga me ngā kaitukumahi e hiamo ana te tīma o Te Pūkenga kia puta tinana atu ki ngā rohe o Aotearoa ā te marama o Hune ki te whakawhiti kōrero.

Ka whai wāhi ngā tāngata katoa o tā Te Pūkenga Tīma Kaiwhakahaere ki ngā whakawhiti kōrero, ka tīmata ā muri itonu iho i te mutunga wiki o te Huritau o te Kuiini. Hei ngā wiki e whā whai muri atu ka torongia ētahi wāhi puta noa i Aotearoa, ā, ka noho tuwhera ēnei hui ki te hunga e pīrangi ana kia tae atu.

Hei tā Stephen Town, Kaiwhakahaere Mātāmua, “E manawareka ana te tīma i te mea ka whai wā rātou ki te kōrero mō ngā mahi e kawea ana i ngā marama e ono ka hori, puta noa i te whakahaere nei, inā hoki he mahi ngātahi me te kōtuinga.”

“Mōhio tonu mātou he maha ngā tāngata e hiahia ana kia rongo, kia mōhio ki ngā mahi ā muri atu. Ka whakamārama mātou i ngā tohu nui me ngā putanga mō ngā marama 8-10 e heke mai ana.”

Ko tētahi tino kaupapa ko te whakamārama i ngā mahi hou kua tutuki e pā ana ki tā mātou tauira whakahaere, ngā mahi e pā ana ki te āpōpō mō ngā ture pūmātauraga, ngā hononga me ngā kaitukumahi, ā ngā ākonga tirohanga me te huhua noa o ngā take. Ka whai wāhi ngā kaiako me ngā ākonga ki te whakahua i ō rātou whakaaro i ēnei hui kanohi ki te kanohi.”

Kei te mōhio hoki mātou tērā ētahi tāngata kāore e wātea kia tae ā-tinana atu ki te hui kei tō rātou rohe. E rua ngā hui ā-ipurangi ka whakaritea mō hunga kāore e tae ā-tinana atu. Ka hopungia ngā kōrero a tētahi o ngā hui tuatahi, ka wātea mai ai i tā mātou pae tukutuku.

Hei te hiku o te tau ka whakaritea ētahi huihuinga āno kia huitahi a Te Pūkenga ki ā mātou kaiwhaipānga me ngā hapori. Ka rongo kōrero ngā kaimahi mai i a Stephen, ā te marama o Hepetema pea.

Kei te whakaritea ngā rā me ngā wāhi ināianei, ā, kia tau rawa, ka tukua he kōrero i konei.