E whakatūhia ana e Te Pūkenga he āpitihanga ako wāhi-mahi

Kua whakaaetia e te Minita Mātauranga Hon Chris Hipkins te whakatūhanga o tētahi āpitihanga ako wāhi-mahi.

Young man in overalls working in workshop

I Pepuere 2021, i tuku tāpaetanga Te Kaunihera a Te Pūkenga ki te Minita Mātauranga kia whakaaetia te whakatūhanga o tētahi āpitihanga ako wāhi-mahi.

Nō te Mane 15 Maehe i whakamanahia tētahi tono e te Minita Mātauranga. Nā konei ka āhei te Kaunihera a Te Pūkenga ki te whakatū i tētahi āpitihanga anō.

“He mahi tika tēnei mā Te Pūkenga i raro i ngā whakahau a te ture e whakawhiti ai ngā TITO e hiahia ana ki te whakawhiti hei wāhanga o Te Pūkenga. Kua tīmata kē ngā mahi hei whakatū i tēnei āpitihanga,” te kī a Merran Davis, Kaiwhakahaere.

Mātāmuri Nā mātou te kī i mua, e whā ngā TITO tērā kua waitohu Reta Whakamaunga hei whakawhiti i ētahi, te katoa rānei o ngā mahi whakarite whakangungu wāhi-mahi ki Te Pūkenga i mua i te mutunga o 2021. Ko aua TITO ko Competenz, ko Connexis, ko te BCITO, ā, nō nātata nei ko MITO; e mahitahi ana mātou me ēnei whakahaere. Ehara ngā reta whakamaunga nei i te mea motuhake, ā, ko te whakawhiti i ngā mahi whakarite whakangungu wāhi-mahi ka tīmata ā muri i te whakaaetanga o te Mahere Whakawhiti a ia TITO e te Poari o Te Amorangi Mātauranga Matua (TEC).