Hei tā Vaughann Payne Kaiwhakahaere Mātāmuri Whakahaerenga, “kia whakaarohia te mauroa e ai ki te oranga pū, ka whai tātou i tētahi kōrero pai mō te mauroa – me te whai wāhi mai a te hapori me te motu.
Ākuanei ka tahuri a Te Pūkenga ki te tuhi rautaki mauroa me ōna whāinga e mātua hono ai, mātua whakapiki ai ki ngā mahi kei te haere.
“He mea nui kia noho ko te mauroa hei whāinga tōmua mō ā mātou mahi, kia whai koha tonu ki te angitu o ngā ākonga, ngā whānau me ā tātou tāngata,” tana kī.
Ka whai huarahi kotahi tēnei rautaki ki te mauroa, e hāngai ana ki ngā Whāinga Whanaketanga Mauroa a te Kotahitanga o Ngā Whenua o te Ao (ngā SDG). Arā, he whai kia whakanui ake te pānga o ā mātou mahi, ā-papori, ā-ahurea, ā-ōhanga hoki, kia whakakore hoki i ngā pānga kino.
“E awhi kē ana tā mātou kōtuinga i te mauroatanga. E noho haepapa nei mātou kia mātua whakarite kia ōrite te āhua o te mauroa puta noa i te kōtuinga, me te whai kia pai ake te orannga pāpori, ōhanga, taiao, ahurea hoki o ā tātou hapori, me ngā whakatipuranga o muri.”
Mā te rautaki e whakakotahi mai ngā uara mauroa puta noa, puta noa i ā mātou whakahaere, tae atu ki ngā whakaakoranga, ngā mahi rangahau, te whakahaere rawa, kura hoki, te hāereere, te whakahaere para, me ngā whakahaerenga o ia rā.
“Ko tētahi tino wāhanga o tēnei mahi ko te whai kia mōhio ki ngā kaupapa mauroa kei te mahia kētia i roto i te kōtuinga. Hei tauira, kei te whakamahi taputapu ētahi āpitihanga hei whakatatau i tō rātou tapuwae waro. Mā te whakarite huarahi ōrite, i te kōtuinga whānui, ka taea e mātou te ine i te pānga o ā tātou mahi kei iti iho ā tātou putanga waro hei ngā tau kei te tū mai.”
“Ko tikanga hoki me whakahāngai ngā mahi mauroa a Te Pūkenga o tēnei wā ki te rautaki. Inā noa nei i waitohu mātou i te Pūtea Taurewa Pāpori tuatahi o Ahitereiria me Westpac NZ, he mea hāngai hoki ki ngā mātāpono pūtea mauroa ā-ao me ngā SDG.”
Kāore e taea tēnei mahi e mātou anahe. He mea whātuitui tonu te oranga pāpori, ōhanga, taiao, ahurea hoki, ā, he wāhi nui anō hoki ō ērā ki te angitu o ngā ākonga. Mā te waihanga, me te whakatinana haere i tēnei rautaki mauroa e mātua whai kia ōrite te whakamahi i te kōtuinga whānui.”
Whakapā atu ki: sustainability@tepukenga.ac.nz
kia tuku ō whakaaro ki te Tīma Mauroa a Te Pūkenga.