Kua kopoua te Poari Kaiwhakahaere Āpitihanga o Te Kuratini Tuwhera

Ko ngā tāngata kua whakaae mai kia noho rātou hei kaiwhakahaere ki te poari o Te Kuratini Tuwhera.

OP Vaughan Renner image

E kopoua ana e te Poari Mātāmua o New Zealand Institute of Skills and Technology Establishment Board (te Poari Mātāmua) ngā kaiwhakahaere mō ngā poari o ngā Pūtahi Āpitihanga, Kuratini hoki (ITP), ā, nō te 1 Paengawhāwhā 2020 i mana ai.

Kua whakaae mai ngā tāngata e whai ake nei kia noho hei kaiwhakahaere mō te poari o UCOL mai i 1 Paengawhāwhā 2020:

Vaughan Renner – Heamana

Thérèse Arseneau

Xiao Peng (Jerry) He

Breccan McLeod-Lundy

Suzanne Sutherland

Karen Vaughan

“Ko te kopounga o tēnei o ngā Poari Kaiwhakahaere tētahi o ngā mahi nui hei wāihanga i tētahi pūnaha ahumahinga piritahi, mauroa hoki,” ki tā Barry Jordan, te Heamana o te Poari Mātāmua.

“Ko te korounga ia mā ēnei kopounga e taurite ai te taha whakahaere me te taha ki ngā hononga taketake ā-rohe, ā hapori hoki.  E manawareka ana mātou i te momo o te tangata me ngā tirohanga rerekē kei ia poari, otirā ngā pūkenga me ngā tautōhito hei whakatinana i ngā hua pai mō ōna hapori, mō ōna hapori.”

Ko te hiahia o te Education (Vocational Education and Training Reform) Amendment Act ko te iti rawa kia tokowhā, engari kia kaua e nui atu i te tokowaru ngā kaiwhakahaere mō te poari tuatahi o ia āpitihanga ITP, ā, ko tētahi haurua o aua kaiwhakahaere me mātua noho ki roto i te rohe e ratoa ana e taua āpitihanga.

E kī ana a Vaughan Renner te Heamana o te Poari Kuratini Tuwhera, “E ongaonga ana ahau ki tēnei huarahi hou ka hīkoitia e tātou o tēnei rāngai – me kī he kotuku rerenga tahi tōna rite, hei whakapai ake i te whakangungu pūkenga ahumahinga puta noa i Aotearoa.

He wāhi nui whakahirahira tā te Kuratinni Tuwhera i te rāngai ahumahinga, ā, kei takahuri i raro i tēnei hurihanga nui, arā ko ngā tikanga whakarite, whakarato, whakamātautau hoki i ngā whakaakoranga. Hei mema o tēnei rōpū kaitiaki, kei te tino mōhio au ki ngā mea ka taea i ēnei hurihanga, ā, ko te hao o te ngākau kia tika, kia pai anō te whakarite.

Hei ārahi haere i te nekehanga atu i te wairua o te whakataetae ki te āhua o te kōtuituinga tuku ratonga ki tēnā, ki tēnā rohe, kua whakataungia e te Poari Whakapūmau kia noho tētahi mema o Kaunihera NZIST hei kaiwhakahaere ki ia poari āpitihanga ITP.  Tērā e whiwhi ia poari tētahi tangata hei ‘kopounga poari-rua’. Ka whakataungia ēnei ingoa i te marama o Paengawhāwhā.  

Mō te kopou kaiwhakahaere i whai te Poari Whakapūmau i tā te Treasury anga kopounga kaiwhakahaere ki ngā poari o ngā kamupene Karauna. Neke atu i te 370 ngā tono i tae mai i waenga i te wā o te Kirihimete me te huringa o te Tau Hou.

Katoa ngā kopounga ki ngā poari āpitihanga i whakamanahia e te kaunihera NZIST i te 1 April 2020. Ka whakamanahia ngā mema o tēnei Kaunihera e te Minita Mātauranga, Hon Chris Hipkins, i mua i te mutunga o Poutūterangi.

Vaughan Renner – Heamana

He tautōhito hoki a Vaughan i te mahi o āna mahi poari hei kaiwhakahaere, kaitohutohu hoki, ā, i tēnei wā kei te noho ia ki ētahi poari rāngatai tūmatanui, tūmataiti, poari arumoni-kore anō hoki.

Ko ia te Perehitini o Business New Zealand me Business Central, te Heamana o Chair o New Zealand Standards Approvals Board, he kaiwhakahaere hoki mō ētahi kamupene tūmataiti. He mema o mua hoki ia o te Kaunihera Whakakotahi o ngā Kuratini o Weltec me Whitireia.

E 20 tau a Vaughan e mahi ana hei kaiwhakahere matua, i roto i te rāngai whakanao waka whenua. Kua whai tohu paerua MBA, tohu paetahi BE (Chem), me te BSc (Chemistry).

Thérèse Arseneau

I tēnei wā ko Thérèse Arseneau te Heamana o te Poari o ChristchurchNZ, te Heamana o te Kaunihera o te Ara Institute o Canterbury, te Heamana o Regenerate Christchurch, te Kaiwhakahaere o J Ballantyne Company Ltd me te Heamana o te  Christchurch Symphony Orchestra.

He kaipūtaiao tōrangapū ia, ā, kua mahi ia hei kaitātari tōrangapū, kaitātari pōtitanga hoki mō TVNZ me TV3 i Aotearoa mō CBC TV, Reo Irirangi hoki i Kānata. He mema hoki ia o te Paepae Tohunga o te Kaitiaki Take Kōwhiri mō te Whakataunga ā-iwi mō te Pūnaha Pōtitanga o 2011, me te arotake o muri mai i te whakataunga mō MMP.

Neke atu i te 30 tau a Therese e mahi ana i roto i te rāngai mātauranga matua, me tana mahi hei pūkenga whare wānanga i Kānata i Aotearoa hoki, ā, i tēnei wā he Ahorangi Tāpiri ia mō te Pūtaiao Tōrangapū i te Whare Wānanga o Waitaha. Kua whai Tohu Kairangi hoki ia mai i te Whare Wānanga o Oxford.

Xiao Peng (Jerry) He

Ko Jerry te kaiwhakaū, kaiwhakahaere hoki o Olivia Premium Food, he kamupene e mātua whai ana ki te tuku kai 100% tipu mai i Aotearoa mā ngā tamariki huri noa te ao mō te utu ngāwari. Koia te Kaiwhakarite Tuarua o mua o Te Rōpū Whakawhanake Pakihi Iti, ko tā te rōpū nei he tohutohu i te Kāwanatanga o Aotearoa mō ngā take e pā ana ki ngā Pakihi Iti-Āhua Rahi he āwhina hoki i ngā tari ki te whakawhiti kōrero me rātou.

Hei Heamana o te NZ Green Industry Association, ka tuku kōrero tauhokohoko hou ia, ā, ka kōrero hoki ia me ngā āpiha  CIQ o Chinese Customs. Ko ia hoki te Heamana whakaū o te Asia Pacific Micro-Small-to-Medium-Enterprise (MSME) Trade Coalition ki Hingapoa, i whakatūngia ki te āwhina i ngā mahi tauhokohoko a ngā MSME ki whenua kē, te whakarite tirohanga ā-ao mā ngā kaupapa-here āhua tuwhera ake, te noho hoki hei pūranga raraunga mō ngā wero whānui tērā ka tūpono mai ki ngā MSME o Āhia.

Breccan McLeod-Lundy

Ko Breccan te CEO me te Kaiwhakahaere o Ackama, he kamupene whakawhanake pūmanawa rorohiko me āna tari ki Te Whanganui a Tara, Tāmakimakaurau me Merepona. Koia tētahi Kaiwhakahaere o PledgeMe, he Heamana-Takirua o NZRise. E pono ana ia mā te whakamahi otinga whai kiko ka ora te ngākau o te tangata. Kua mahi tahi ia me ngā tū whakahaere mai i ngā mea whakaoho he tipu ā-ao te wawata nui ki ngā NGOs e tuku kaupapa hāpai hapori ki ngā whenua o Āhia me Te Moana-nui-a-Kiwa.

He whiringa toa ia mō EY Entrepreneur of the Year NZ i 2018, ā, he kamupene TIN 200 a Ackama. He mema whai mana ia o te Institute of Directors, kua whai tohu paetahi hōnore BA mō te Rapunga Whakaaro, ā, he Pōkairua Tāura mō te Whakahaere Pakihi.

Suzanne (Sue) Sutherland

Ko Sue he kaitohutohu e mahi ana i runga i ngā kaupapa o te rautaki, kaupapa-here me te whakawhanake ratonga. Kua noho ia hei Kaiwhakahaere Matua hei Kaitiaki Matua i Te Puna Mātauranga o Aotearoa, Kaiwhakahaere Matua Tuarua, Kaiwhakahaere hoki i te Whare Pupuri Tānga Matihiko ā-Motu, hei Kaiwhakahaere Wharepukapuka anō hoki mō te Kaunihera o Ōtautahi.

He mema hoki a Sue o te Institute of Directors, Internet New Zealand, ā, he mema hōnore hoki ia o LIANZA. I ngā tau ki he tarati ia o te 2020 Communications Trust, he mema ā-pōti o te kaunihera o te Kuratini o Ōtautahi mai i 2003 ki 2008, me te Kaunihera o te Kuratini Tuwhera o Aotearoa mai i 2011.

Karen Vaughan

Mōhiotia whānuitia ana a Dr Karen Vaughan mō āna mahi rangahau kaupapa-rua, kanohi matara hei Kairangahau Matua o mua i Rangahau Mātauranga o Aotearoa (NZCER). Kua kitea ia e Aotearoa mō āna mahi i ētahi kaupapa pērā i ngā Ara Ahumahinga me STAR, e te ao whānui mō ngā mahi ārahi ara mahi me te akoako ā-mahi. Nō ngā tau tata nei kua arotahi ia ki te āhua o te mahi anamata, te ārahi i te whanaketanga o tētahi rauemi tātaringa hei tautoko i te whakaotinga piatanga me tētahi tauira āheinga ‘pae ahumahinga’.

He whānui tonu ngā mahi kaitiakitanga o Karen, ā, i tēnei wā he mema poari ia o NZACE (te ako i te wāhi-mahi), he māngai hapori ia ki te Royal Australian and New Zealand College of Obstetricians and Gynaecologists.