E mihi ana a NZIST ki ngā tāngata whiwhi tohu i ngā Hōnore Huritau o te Kuini

Tēnei te mihi nui ki Ahorangi Tā Derek Arana Te Ahi Lardelli ONZM nō Tūranga i whakawhiwhia ki te hōnore tā i te Rārangi Hōnore Huritau o te Kuini mō

Derek Lardelli image

Tēnei te mihi nui ki Ahorangi Tā Derek Arana Te Ahi Lardelli ONZM nō Tūranga i whakawhiwhia ki te hōnore tā i te Rārangi Hōnore Huritau o te Kuini mō āna mahi rangatira i roto i te ao toi Māori.

Ko Ahorangi Tā Derek te Pouwhirinaki o Toihoukura i Te Aho a Māui i Te Tairāwhiti.

Ko Ngāti Porou, ko Rongowhakaata, ko Ngāti Konohi me Ngāi Te Aweawe ōna iwi. Kua hau te rongo o Derek ki te ao whānui mō ana mātauranga e pā ana ki tā moko me tōna taha wairua, nāna i whakapau kaha ki te whakatipu me te whakapūmau i ngā tikanga. Karakia me ngā kōrero tuku iho mō te tā moko. Hei kaipeita hoki ia, he tohunga whakairo, toa kapa haka, kaitito, kaihoahoa whakairoiro, he kairangahau whakapapa, kōrero tuku iho, tangata tū marae hoki. I nātata nei i whakawhiwhia ia ki te Tohu Kairangi Hōnore mai i te Whare Wānanga o Waikato.

E mōhio whānuitia a Tā Derek mō āna mahi hei kaitohutohu ahurea ki ngā Ōpango, hei kaitito hoki i te haka Kapa Ōpango, i hakaina i te Whakataetae mō te Kapu o te Ao i 2011. Ka kitea āna mahi toi i ngā whare kei Aotearoa nei, kei tāwāhi hoki, kei ngā whare tūmatanui me ngā kohinga tūmataiti.

E haere ana ngā mihi ki ngā tāngata e whai ake nei, kua whakapau kaha rātou i roto i te rāngai ahumahinga, ā, kua whakanuia i te Rārangi Hōnore Huritau o te Kuini.

Officers of the New Zealand Order of Merit (ONZM)

Tākuta Brian Thomas Pauling nō Te Whanganui a Tara mā āna mahi i roto i te ao pāpāho, mātauranga hoki. Nā Tākuta Pauling i whakatū te NZ Broadcasting School, tētahi wāhanga o Te Ara.

Mr Thomas Richard Barton Rainey, nō Ōtautahi mō āna mahi i roto i te ao puoro me te mātauranga. I mahi a  Mr Rainey i Te Ara.

Mr James Ronald Tomlin, nō Ōtepoti mō āna mahi i roto i te mātauranga toi. I mahi a Mr Tomlin i te Kuratini o Ōtepoti.

Mr Derek Rex Crowther, nō Tāmaki Makaurau mō āna mahi i roto i te ahumahi motokā. Kei runga a Mr Crowther i te MITO poari.

Members of the New Zealand Order of Merit (MNZM)

Mr John Clinton Baddeley, nō Whāingaroa, mō āna mahi i roto i te kāwanatanga ā-rohe me te hapori. I noho a Mr Baddeley ki runga i te kaunihera o Wintec me ētahi atu poari ITP.

Mr Graham Peter Jackson, nō Whakatipu mō āna mahi i roto i te ahumahi ringarehe me te pakihi. Kua noho hoki a Mr Jackson hei mema poari o SIT me te Apprenticeship Training Trust.

Ms Lynette Harata Te Aika, nō Ōtautahi mō āna mahi i roto i te mātauranga reo Māori. I noho hoki Ms Te Aika ki runga i te Kaunihera CPIT.