Heamana hou mō te Poari o Te Kura Matatini ki Otago

Kua kopoua a Adam La Hood e te Kaunihera o Te Pūkenga hei Heamana mō te Poari o Te Kura Matatini ki Otago.

Adam Lahood facing camera 1460x544

Kua kopoua a Adam La Hood e te Kaunihera o Te Pūkenga hei Heamana mō te Poari o Te Kura Matatini ki Otago.

I haere te tono ki a Adam kia tū ia ki te kawe i te tūranga Heamana, ā, kua noho ia ki te Poari mai i te 1 o Aperira 2020 i huri Te Kura Matatini ki Otago hei āpitihanga ki te whakahaere hou a Te Pūkenga.

“Kua mahi a Adam i roto i ngā kaupapa pūtea, rautaki, ārai whatitata hoki me te aha, e tino ngākaunui ana ia ki Ōtepoti, ā, hei painga tonu mōna, mō te Kura Matatini o Otago hoki,” te kī a Murray Strong, Heamana Kaunihera o Te Pūkenga. “He mea tino whaitake kia mau tonu ki te kaupapa kua whakaritea hei whakaumu i te rāngai mō ngā ākonga, ā, ka pērā tonu mō te Kura Matatini nei i te mea kua noho a Adam ki te tūranga Heamana.”

He Kaikaute Whaimana a Adam, ā, he whānui tonu ōna tautōhito i konei i Aotearoa i tāwāhi hoki i roto i ngā ahumahi rerekē. Atu i āna tautōhito pūtea e kawea mai ana ōna pūkenga whakahaere, rangatōpū hoki i  ngā kaupapa rautaki, whakahaere whatitata, hauora me te haumaru me ngā tikanga whakahaere ā-roto. Ko Adam tētahi Kaiwhakahaere Matua i runga i te Poari o Dunedina Venues Management Limited, ko ia hoki te Āpiha Whakahaere Pūtea Matua mō Cook Brothers Construction.

Nō te 1 o Aperira 2020, ka hou atu a Adam ki ki te Poari o Te Kura Matatini o Otago i tōna huringa hei āpitihanga o Te Pūkenga. Kua noho ia hei heamana mō te Komiti whāiti mō te Pūtea me te Tātari.

I whānau mai a Adam i Ōtepoti, ā, koirā hoki tōna kāinga tipu, nō reira tōna ngākaunui kia rite tēnei tāone hei wāhi pai ki te mahi, ki te noho hoki. Ki ō Adam whakaaro he tino rawa te Kura Matatini nō tēnei rohe, nā konā tōna hiahia kia tū tonu hei tohu angitu i roto i te rāngai mātauranga matua.

“E hiamo ana te ngākau kia riro māku e kawe i te tūnga Heamana o te Kura Matatini i a Tony,” tana kī. “Te rawe hoki o āna mahi tae noa ki tēnei wā, ā, inā te haere whakamua o te Kura Matatini me ōna pūkenga, ōna tīma tautōhito e ārahi haere ana i a ia i tēnei wā whakaumu. Tino kaha te hiahia kia mahitahi me te tīma kia piki angitu tonu.”

Ka kawea ake e Adam te tūnga nei i a Tony Allison, nāna i noho hei Heamana tuatahi o Te Kura Matatini o Otago mai i te 1 o Aperira hei āpitihanga o Te Pukenga.

Kua roa a Tony e mahi ana mō te Kura Matatini nei. I mahi ia me te Kura Matatini i runga tana hua Edubits, hei heamana motuhake hoki mō te poari tohutohu o Edubits.

“Me aronui a ia ki tana tūranga mahi hou hei MD i Smiths City, ka tika, nā, e mōhio tonu ana mātou kua heke mai ia i tāna tūranga Heamana o te Tauranga Wakarererangi o Ōtepoti kia hāngai tana titiro ki tana tūranga hou.”