He pūrongo e whakapuaki ana i ngā tino āhuatanga e angitu ai te ākonga Māori

Te Rito – Nō tēnei marama i whakapuakingia ngā whakaaro o ngā ākonga, hei whakakaha i ngā reo o ngā ākonga Māori mō ngā āhuatanga e angitu ai rātou i roto i te ako ahumahinga. Ko te mea tuatahi tēnei o ngā pūrongo ka whakaputahia e mātou hei tautuhi i ngā āhuatanga mō tō te ākonga angitu.

Te pukenga Learner Journey video

Mā Te Rito e whakaawe tika i ngā tikanga mahi a te rāngai ako ahumahinga i te taha o ngā ākonga, ina koa ngā ākonga Māori ā ngā rā ki tua,” te kī a Tania Winslade, Kaiwhakahaere Mātāmuri, Tā te Ākonga Haerenga, Wheako hoki.

“E tino titikaha nei mātou ki te whakatutuki i ngā hiahia o ngā ākonga katoa, ngā ākonga ake kāore i whai tautoko i mua: arā, ngā ākonga Māori, Pasifika, whaikaha hoki.

“I kī mai ngā ākonga Māori e hiahia ana rātou kia whakamanahia ngā tirohanga Māori me te mātauranga Māori. I rongo hoki mātou he mea nui te tautoko wawe me te tautoko ā-whānau, te whanaungatanga ki ngā kaimahi, ngā kaitukumahi e hāngai ki te whānau tonu me te manaakitanga. Nā rātou anō i kōrero mai mō te rerekētanga o ngā pūmanawa me ngā tohu o te angitu. Katoa ngā ākonga i kī mai he wā pōnānā tonu te huarahi ki te ako, heoi mā te wawe o te arahina, te ngāwari o te whakaurunga me te whai hononga whaihua, ka piki te māiatanga,” tā Tania kī.

Ko taurua o ngā pūrongo ka aro ki ngā ākonga Pasifika, whaikaha hoki, ā, ka tautohu te pūrongo whakamutunga i ngā tino whāinga anamata mā Te Pūkenga e ai ki ngā mahi o tēnei wā.

Ka taea tētahi kape o Te Rito te tukuiho i konei.