Nōu te wā!

Waitohu mai i tēnei rā, ka tuari ai i ō whakahoki kōrero i runga i tā mātou wāhi tuihono ki https://tepukenga.citizenlab.co/

Three young learners looking into large text book

Ka nui te harikoa kia te whakatau i a koe ki tēnei wāhi mō ‘Tō Mātou Haerenga’ hei wāhi whakawhiti whakaaro, kōrero hoki. Hei konei e eke tahi ai tātou ki tēnei wāhanga whakaongaonga o tā mātou haerenga hei whakaumu i te ako ahumahinga i Aotearoa.

Kua whakamahi mātou i ngā rangahau, ngā kōrero, ngā whakaaro hoki mai i ngā tāngata rerekē e hia nei kia tīmata te mahi hoahoa i te āpōpō mō Te Pūkenga me te ako ahumahinga i Aotearoa. Nā, nōu te wā ināianei ki te kōrero me mātou, me ētahi atu hoki.

Waitohu mai i tēnei rā, ka tuari ai i ō whakahoki kōrero i runga i tā mātou wāhi tuihono ki https://tepukenga.citizenlab.co/.

Hei mea tino whaitake ō kōrero me ō urupare ki ngā mahi e mahia ana hei āwhina i a mātou ki te whakaniko i tā mātou tauira whakahaere anamata. Mā tēnei e mōhio ai Te Pūkenga he aha hei mahi māna, ki hea, he pēhea hoki e mahia ai, kia mātua whai wāhi mai hoki ngā tāngata katoa.

E hiahia ana mātou kia rongo i ō whakaaro. He pēhea te whakakori i a koe? He aha tā mātou i mahi tika ai? He aha kei te ngaro?

Ka whakamāramatia e Merran Davis, Kaiwhakahaere Mātāmuri Whakaumutanga me te Whakawhitinga, kaitautoko hoki i te kaupapa hoahoa-ngātahi. “He huarahi tēnei mā koutou kia whai wāhi mai ki tētahi kaupapa nui whakaharahara. Mā tō reo e āwhina i Te Pūkenga ki te whakarato i ngā tāngata o Aotearoa, kia kounga ai te whai wāhi me te tautoko kia angitu ai. He mea nui ki a mātou kia rongo kōrero mai i ngā tāngata huri noa te motu, he rerekē ō rātou wheako.

He Mea Whai Take Ngā Reo Katoa

He ākonga o mua, ō nāianei, o āpōpō rānei koe? He tangata whakahaere pakihi rānei koe e tuku mahi ana mā ngā pia? He kaiako rānei koe ki tētahi kura akoranga? Ka tautoko rānei koe i ngā ākonga? Tērā pea hei māngai koe mō tētahi rōpū hapori, rōpū ahumahi rānei? Ahakoa he aha ō kōrero, e whakarongo ana mātou?

He mea whaitake kia rongo mātou mai i ngā reo rerekē. Nō hea rānei koe, tō iwi, iwitanga rānei, e hia ō tau, ngā huarahi ako e paingia ana, ngā mahi ka taea e koe, tō mahi ngaio, tō hītori, me ngā kaupapa e kaingākautia ana e koe, he mea nui ēnei ki a mātou. Nā reira, kōrero mai!

Ka noho tuwhera tonu te wāhi mō ‘Tō Mātou Haerenga’ hei wāhi whakawhiti whakaaro, kōrero hoki mō te rauna tuatahi hei tuku kōrero mai tae rā anō ki te Paraire 19 o Maehe.