Kua whakataua e te Kāwanatanga he tahua mō te New Zealand Institute of Skills and Technology.
Nō te 1 o Aperira 2020 i whakaturia ai te NZIST hei wāhanga o te whakahoutanga i te mātauranga ahumahinga nā taua kaupapa anō i whakahuihuitia mai ngā pūtahi hangarau me ngā kuratini 16 o te motu hei āpitihanga nā NZIST.
Nā te Kāwanatanga anō i tuku e $21.1 miriona ki NZIST kia tīmatangia e ia ngā mahi whakamahere hei whakatū, hei whakawhiti, hei tautoko hoki i ā mātou āpitihanga.
Nā Murray Strong, te Heamana Kaunihera NZIST te kī:
“E manawareka ana mātou i te whakataunga mai o te pūtea i te Kāwanatanga. Nā konei mātou e ngākaunui nei kia haere whakamua tonu me te whakatinana i ā mātou whāinga mō 2020 hei āwhina i te whakahokinga mai ā-pāpori, ā-ōhanga hoki o Aotearoa i muri ake i te urutā Covid-19. E taea ana hoki e mātou te whakatutuki haere i ētahi āhuatanga o tō mātou tūtohinga.”
Nā taua pūtea anō e taea ai e NZIST te kimi kaimahi kia tīmata āna mahi whakarite rautaki hei whakaumu i te tukunga o te mātauranga ahumahinga ki tētahi kōtuituinga whakahonohono e anganui ana ki ngā hiahia o ngā ākonga me ngā kaitukumahi i tēnā, i tēnā rohe, ā, puta noa hoki i te motu.
Kua pānuitia ngā tūranga Kaiwhakahaere Mātāmua Tuarua e ono i NZIST.