Ko ngā mahi tika hei tautoko i te ākonga te tino kaupapa o te hui

Neke atu i te 50 ngā ākonga, māngai kaimahi hoki mai i ngā āpitihanga a Te Pūkenga me ngā Whakahaere Whakangungu Ahumahi Whakawhiti (ngā TITO) i huita

Group Photo from Learner Journey workshop

Neke atu i te 50 ngā ākonga, māngai kaimahi hoki mai i ngā āpitihanga a Te Pūkenga me ngā Whakahaere Whakangungu Ahumahi Whakawhiti (ngā TITO) i huitahi mō ngā rā e rua i tērā marama ki te tuari tauira o ngā mahi tika me ngā momo kaupapa hei whakanoho koia ko te ākonga hei pūtake, mai i ētahi o ngā rohe.

He wāhi anō tō ngā kaimahi ki te Kāhui Hoahoa Ākonga hei Pūtake a Te Pūkenga, he kāhui mai te kōtuinga whānui kua mahitahi i runga i ngā kaupapa kōkiri pērā i te rangahau ākonga hei pūtake puta noa i Aotearoa. I kuhu mai hoki ngā ākonga mai i te kōtuinga ki te kāhui.

He tauira pai rawa tēnei o te mahi kua tuku mā Te Pūkenga hei whakakao mai i ngā mātanga mai i nngā āpitihanga me ngā whakahaere whakangungu ahumahi, kia huitahi me nngā ākonga ki te tautuhi, kia te whakapiki hoki i ngā mahi tika e kawea ana huri noa i ngā rohe hei painga mō ngā ākonga.

I whakaae ngā kaimahi me ngā ākonga, arā ētahi mahi whānui me ngā kaupapa pai:

  • whakawhanaungatanga i mua noa atu i te timatanga a te ākonga ki tana whakaakoranga, kaupapa whakangungu rānei,
  • me whai tautoko te ākonga mō tōna katoa mā ngā kaupapa pērā i tuakana/teina, kaupapa tautāwhi rānei
  • tautoko i ngā kaimahi ki te whakapiki pūkenga
  • me whai kōtuinga māngai ākonga i ngā taumata katoa
  • kia moata tonu te hono a te ākonga ki ngā ahumahi me ngā kaitukumahi
  • he paemana raraunga e tukua ai he tirohanga whānui mō te ākonga

I te mutunga o te hui i tonohia ētahi ki te tuari i ō rātou whakaaro mō ngā tino kaupapa i puta ki a rātou.

Paul Mitchell, mai i Connnexis

He mea mīharo ki a ia te ngākaunui o ngā tāngata katoa kia kauneke, kia angitu hoki ngā ākonga. I whakaae hoki ia kia tautokohia te tukanga tōmua i te whakauru, “he mea whai tikanga kia herea te ngākau whakapeke e mātua whakarite kia tīmata pai ngā ākonga. Kei te kite au ka taea e ngā ākonga te neke haere i waenga i te ao ako me te ao mahi, kia haere tonu te ako mēnā ka raru ngā mahi,” tana kī.

I kī a Erin Lincoln mai i UCOL he mea pārekareka kia tae atu ki te hui, kia whai wāhi ki tētahi whānau nui. I kī hoki ia he mea whakaawe tonu kia rongo i te ngākaunui e mahitahi ana hei painga mō ngā ākonga. Ko te mea tuatahi i kitea e ia ko tautoko a ngā ākonga me ngā tauira tautoko i whakaaturia. “Ko te mahi a muri atu kia aronui mai ngā kaiako ki te te ākonga, ki tōna ahurea, kia whakanuia ngā akoranga o mua me te tuku kia whai wāhi mai te ahurea o te ākonga ki te akomanga.” He pārekareka hoki ki a ia ko ngā kaiako kua tahuri ki te tatari raraunga e pā ana ki ō rātou ākonga.

I manako a Magenta Mudgway, tētahi ākonga mai i Weltec me Whitireia, kia pai ake te ōrite, e ōrite anō ai te ratonga ki ngā ākonga katoa. Ki a ia ka whaihua ngā ariā i whakaaturia mēnā ka rere ngā matapaki i roto i te pono me te hāngai ki te taiao o te akomanga me te whakamahinga o ērā i roto i te ao mahi.

“He mīharo ētahi o ngā kaiako, inā kē ngā painga ka puta i a rātou mō mātou. Ko ētahi atu me whakaaro pai mai, kia maumahara hoki ki te āhua ō mātou oranga o waho atu i te akomanga me ōna wero nui anō.”

Ka hui anō te rōpū nei ā te marama o Hūrae. Kia whai haere koe i ngā kauapa e pā ana ki ngā ākonga tirohia te whāranga Tā te Ākonga Haerenga, Wheako hoki.

Ka hui anō te rōpū nei ā te Hūrae ki te whakamahere i ngā mahi mō muri atu.