Ko te tono a Kirikiriroa he mea tukutahi mai i Hamilton City Council, Te Waka Ltd (Waikato’s Regional Economic Development Agency), Waikato-Tainui me te Waikato Chamber of Commerce.
E ai ki te Heamana Kaunihera NZIST a Murray Strong, inā kē te kaha o te tono a aua rōpū kia tū te Tari Matua ki Kirikiriroa.
“Mārama tonu te kitea, mārama anō hoki te tono a Kirikiriroa ki tā te Kāwanatanga tirohanga roa mō te mātauranga ahumahinga. I kitea hoki te kaha o ngā hononga i waenga te kāwanatanga ā-rohe, te iwi me te kāwanatanga matua, me te ngākaunui anō hoki ki ngā ākonga.
“Kāore hoki i ngaro te pakari o te herenga o ngā pakihi Māori me te kotahi o te whakaaro kia whai ko te whiwhi ōrite mō te Māori me ērā kāore tonu i ea ō rātou hiahia mō ngā tau e hia nei. I reira hoki te kupu maioha a te Kīngitanga me Waikato Tainui hei whakatau, hei whakahoatanga hoki,” tā Mr Strong.
Ko Kirikiriroa he wāhi e pātata mai ana ki ngā āpitihanga NZIST e ono o taua takiwā. He whānui hoki te toro atu ki ngā ākonga me ngā pakihi, ā, kei te whakaata hoki i te rerenag kētanga o te ōhanga o Aotearoa.
“E tiro whakamua ana mātou ki te mahitahi, te whakawhiti mōhiotanga, tohungatanga hoki me ngā whakahaere katoa kei Kirikiriroa, i runga i te hiahia kia tino kounga ai te ako mō ngā ākonga katoa,” te kī a Mr Strong.
E ai ki a Paula Southgate, te Koromatua o Kirikiriroa, ko tēnei whakatau he whakamananga o te kaha o te rāngai mātauranga o Kirikiriroa, me te whakaatu i te hiranga o te tāone nui o Kirikiriroa ki Aotearoa. I tēnei wā o muri atu i te urutā Covid-19, kei te rapu rongoā whakaumu tana Kaunihera e puta ai he painga nui mō Kirikiriroa. Ko tēnei tētahi momo rongoā, ā, kei te hapori te tikanga iāianei ka ahatia ā muri nui.
Inā rā ka whakaotia i konei ki tō mātou tāone nui tonu, ngā whakatau rautaki e pā ana ki ngā pūkenga me te hangarau mō te taha ki Aotearoa, he mea tino whaitake tērā. He tino tohu hoki kei kei a tātou, ā, kei konei te tautoko, ngā tāngata me ngā ahumahi hei āwhina i te NZIST ki te whakatutuki i āna whainga ki te whakapiki i ngā pūkenga, kia whakangungua hoki tō tātou ohumahi. I a tātou ka whakapau kaha kia piki ake anō te ōhanga, ka noho aua whakatau hei mea whai tikanga mō te ōhanga ā-motu.”