Te Raurau Kaiwhakamahi – he whakawhiti kōrero mā ngā kaitukumahi me Te Pūkenga

Te Pūkenga is hosting a series of hui throughout July to connect with employers, industry representatives and TITO staff.

TP OP Roadshow 2

Kei te whakahaere a Te Pūkenga i ētahi hui i te marama o Hūrae e honohono ai ki ngā kaitukumahi, ngā māngai ahumahi me ngā kaimahi o ngā Whakahaere Whanakangungu Ahumahi Whakawhiti (ngā TITO). He huarahi tēnei e mārama ai mātou ki ngā wero ka heipu mai ki ngā kaitukumahi me ngā ākonga i te pūnaha mātauranga me te whakangungu o tēnei wā, me pēhea hoki te whakatau.

Mā Warwick Quinn, te Kaiwhakahaere Mātāmuri, Tā te Kaitukumahi Haerenga, Wheako hoki e tuku kōrero hou mō ngā mahi e kawea ana e Te Pūkenga me te āhua o ngā mahi ā muri atu.

Ka whakatakotohia te whakahoutanga o ngā ariā ratonga e waru. He mea whakawhanake ēnei ariā e te tīma hoahoa-ngātahi, nāna i āwhina i Te Pūkenga ki te waihanga i te tauira whakahaere anamata. He mea tino whaitake ō whakaaro e pā ana ki ēnei ariā, kia mārama ake ai mātou he pēhea e tautoko ai tā mātou tauira whakahaere anamata i ngā ākonga me ngā kaitukumahi.

 Ka tū ēnei hui ki ētahi wāhi e whitu puta noa i Aotearoa, ā, hei te Tūrei 13 o Hūrae te hui tuatahi. E rua hāora te roa o te hui kia whai wā ki te rongo i ngā whakaaro me ngā urupare a ngā tāngata. E mōhio ana mātou kāore e wātea mai ngā tāngata katoa kia tae-ā-tinana mai ki te hui i tō rātou rohe, nā konā ka tū ngā hui tuihono e rua.

Tirohia te roanga o ngā pitopito kōrero mō ngā rā, ngā wāhi me te tukanga rēhita i konei.