Te Pae Tawhiti comes alive

News

Te Pae Tawhiti comes alive

Whiringa-ā-rangi 18, 2020 | 5 min read

Ko te pae tawhiti whāia kia tata, ko te pae tata whakamaua kia tīna.

Seek to bring distant horizons closer, and sustain and maintain those that have arrived.

 

Kei te wātea ā-tuihono i konei te tuhinga hukihuki o Te Pae tawhiti, arā ko tā Te Pūkenga Tiriti o Waitangi anga hiranga.

E arotahi ana mātou kia tika ai ā mātou ratonga, kia hiranga hoki te urupare ki ngā hiahia o ngā ākonga Māori me ō rātou whānau, me ngā wawata o ngā iwi me ngā hapori Māori puta noa i Aotearoa. E whakahaua ana tēnei whāinga e tō mātou mana ā-ture, tā mātou Tūtohinga, ngā aratohu ā-ture me te hiahia o tā mātou Kaunihera, Rōpū Kaiarataki hoki.

Hei tautoko i te whakatinanatanga o Te Pae Tawhiti, kua whakaritea e Te Pūkenga tētahi tīma Kaitautoko. Nā runga anō i te ārahi a ngā Kaitautoko nei, kua tīmata a Te Pūkenga ki te mahitahi me te whānau whānui puta noa i tā mātou kōtuinga ki te whakamahi i te anga hiranga Te Tiriti o Waitangi hei arataki i ā mātou me ā mātou mahi. He wā whakaongaonga tēnei i a mātou e whakapiki ana i te āheinga me te kaha o Te Pūkenga kia tuku i tā tō mātou mana ā-ture i kī ai, ina koa – te whakahōnore, te whakatinana hoki i Te Tiriti, me te whai kia ōrite ngā putanga mō ngāi Māori.

Ko te wāhi hei tīmatanga mō tātou katoa ki te whakamahi i te Te Pae Tawhiti ko te mahi huritao whaiaro. Kei ia āpitihanga ōna toa tara-ā-whare e mahi ana i te taha o te tīma Hononga me te Ōritetanga a Te Pūkenga kia tutuki pai tēnei mahi, ina hoki he mea nui whakahirahira te kaupapa nei. Ko te whai kia whakaatu mai i ngā mahi e kawea ana ko tētahi āwhina mō te tokomaha ki te tautohu i ā rātou mahi mahere mō 2021-2022. Kei te kite hoki mātou i ngā tauira o te mahi akoako pai e hāngai ana ki tētahi rohe, tērā pea ka taea te kawe ki te motu.

Ko tē Te Pae Tawhiti he tuku aratohu i runga i ētahi pātai matua, ā, mā tērā e āwhina i te nekehanga puta noa i te kōtuinga whānui, kia ōrite te ratonga kia taketake ai te mahi akoako pai. Kei te wāhanga o te mahi huritao, te aromatawai whaiaro ki ētahi tohu matua, e hono ana ki ngā anga āheinga a Te Arawhiti Māori. Koinei ngā  tino pātai ki ia tangata,– he aha te māhi mā ā tātou whakahaere hei kawe ake i te hiranga Te Tiriti o Waitangi, ā, ka aha ahau i roto i taku mahi kia pai ake te mahi me ngā putanga?

Hei 2021 ka whakaanga hoki mātou ki ngā ITO whakawhitinga me ētahi atu whakahaere i roto i te rāngai mātauranga ki te whakaatu Te Pae Tawhiti ki a rātou, ā, ka mahitahi mātou kia hīkoi tahi tonu i runga i tēnei haerenga o tātou.

Ki tā Stephen Town, Kaiwhakahaere Matua o Te Pūkenga, “Mā tātou katoa, mā tātou katoa tēnei huarahi hei whakatōtika, kia mātua ōrite ngā putanga mātauranga ahumahinga ka tutukingia e ngā ākonga Māori, ngā kaitukumahi, ngā whānau, hapori hoki. Kei runga tātou i te whakaaro kotahi, kei te ū tonu te ngākau ki taua whāinga.

Kia maumahara tonu he tuhinga hukihuki Te Pae Tawhiti, ā, kia tirohia, ka arotakengia hoki i roto i te huringa o te wā i ā tātou ka mahitahi i ringa i tēnei ara whakaumu. Ki te hiahia koe ki te tuku mai i ōu whakaaro mō Te Pae Tawhiti, kātahi te mea pai ko tērā. Me tuku īmēra ki info@tepukenga.ac.nz kia mōhio mātou ki ō whakaaro.