Kua kopoua te Poari Kaiwhakahaere Āpitihanga o te Kuratini o Tai Poutini

Ko ngā tāngata kua whakaae mai kia noho rātou hei kaiwhakahaere ki te poari o Tai Poutini Polytechnic.

TPP Rebecca Keoghan image

E kopoua ana e te Poari Mātāmua o New Zealand Institute of Skills and Technology Establishment Board (te Poari Mātāmua) ngā kaiwhakahaere mō ngā poari o ngā Pūtahi Āpitihanga, Kuratini hoki (ITP), ā, nō te 1 Paengawhāwhā 2020 i mana ai.

Kua whakaae mai ngā tāngata e whai ake nei kia noho hei kaiwhakahaere mō te poari o UCOL mai i 1 Paengawhāwhā 2020:

Rebecca Keoghan – Heamana

Rob Caldwell – Heamana Tuarua

Kara Edwards (Ngāi Tahu)

Renee Rooney

“Ko te kopounga o tēnei o ngā Poari Kaiwhakahaere tētahi o ngā mahi nui hei wāihanga i tētahi pūnaha ahumahinga piritahi, mauroa hoki,” ki tā Barry Jordan, te Heamana o te Poari Mātāmua.

“Ko te korounga ia mā ēnei kopounga e taurite ai te taha whakahaere me te taha ki ngā hononga taketake ā-rohe, ā hapori hoki.  E manawareka ana mātou i te momo o te tangata me ngā tirohanga rerekē kei ia poari, otirā ngā pūkenga me ngā tautōhito hei whakatinana i ngā hua pai mō ōna hapori, mō ōna hapori.”

Ko te hiahia o te Education (Vocational Education and Training Reform) Amendment Act ko te iti rawa kia tokowhā, engari kia kaua e nui atu i te tokowaru ngā kaiwhakahaere mō te poari tuatahi o ia āpitihanga ITP, ā, ko tētahi haurua o aua kaiwhakahaere me mātua noho ki roto i te rohe e ratoa ana e taua āpitihanga. 

E ai ki a Rebecca Keoghan te Heamana o Tai Poutini Poari, “He rawe tonu te āhua o taku mahi me Tai Poutini i runga i taku mahi hei hari haere i ngā tāura ahumahi whenua, ngahere, moana hoki ki ngā wāhi mahi.

“Nā runga i te āhua me te huri haere o te ao mahi, me whai kia whānui tonu, kia whai hua ngā pūkenga o ā mātou tāura. Kei te tino kaingākau ki te āhua e mahi ngātahi ai ngā kaituku akoranga me ngā ahumahi ki te whakarite i ngā whakaakoranga papai, tika hoki e rite ai ngā hiahia o ngā ākonga, ngā ahumahi me ngā ōhanga ā-rohe.”

Hei ārahi haere i te nekehanga atu i te wairua o te whakataetae ki te āhua o te kōtuituinga tuku ratonga ki tēnā, ki tēnā rohe, kua whakataungia e te Poari Whakapūmau kia noho tētahi mema o Kaunihera NZIST hei kaiwhakahaere ki ia poari āpitihanga ITP.  Tērā e whiwhi ia poari tētahi tangata hei ‘kopounga poari-rua. Ka whakataungia ēnei ingoa i te marama o Paengawhāwhā.  

Mō te kōpou kaiwhakahaere i whai te Poari Whakapūmau i tā te Treasury anga kopounga kaiwhakahaere ki ngā poari o ngā kamupene Karauna. Neke atu i te 370 ngā tono i tae mai i waenga i te wā o te Kirihimete me te huringa o te Tau Hou.

Katoa ngā kopounga ki ngā poari āpitihanga i whakamanahia e te kaunihera NZIST i te 1 Paengawhāwhā 2020. Ka whakamanahia ngā mema o tēnei Kaunihera e te Minita Mātauranga, e Hon Chris Hipkins, i mua i te mutunga o Poutūterangi.

Rebecca Keoghan – Heamana

Ko Rebecca MNZM, MInstD tētahi kaiwhakahaere ngaio kei Kawatiri ia e noho ana. He tautōhito ia ki ngā mahi kaitiakitanga, kaiwhakahaere hoki i ētahi ahumahi pērā i; te whakanao, te pūngao, ngā wāpu, te taha rongoā, mahi ahuwhenua, FMCG, te mahi ngahere, te hauora & te haumaru, te patu ahi me ngā whatitata.

Ko ā Rebecca tūranga kaitiaki o ēnei wā ko: Heamana Tuarua, Te Patu Ahi me te Whatitata Aotearoa; Kaiwhakahaere o  Ngā Ngahere o Waihopai; Heamana o te Komiti Hauora me te Haumaru o Ngā Ngahere o Waihopai; Kaiwhakahaere, Gravity Dance Studio; Kaiwhakahaere, Keoghan Farm.

I 2016, ka whakawhiwhia a Rebecca ki te tohu o Dairy Woman of the Year, i 2017 ka whakawhiwhia ia ki te New Zealand Order of Merit (MNZM) i ngā Hōnore o Te Huritau o te Kuini mō āna ratonga ki te pakihi, ā, i 2018 ka whakawhiwhia ia ki te Tohu o Rural Westpac Woman of Influence.

Kua whai a Rebecca i te tohu paetahi Medical Science mai i Te Whare Wananga o Otāgo, he Tohu Pakairua mō te Whakahaere Pakihi Tōmua me te Kaiārahitanga me te Tiwhikete Whakahaere Kamupene.

Robert (Rob) Caldwell – Heamana Tuarua

Kua noho a Rob hei Kaiwhakahaere Mātāmua o Electricity Distribution Business Westpower Ltd – nō kamupene nō te hapori me ElectroNet he Rōpū Kamupene, mai i Hakihea 2001. Nā Rob anō te rōpū i ārahi i ngā tau i tipu ai te pakihi nei kia tuku mahi ki ngā tāngata 300 neke atu i Māwhera, i Whakatū, i Ōtautahi, i Te Whanganui a Tara, i Ngāmotu me Tāmaki Makaurau.

He Kaiwhakahaere o mua a Rob mō tētahi o ngā kamupene āpitihanga o Westpower mō ngā tau 12, ā, kua kawe hoki ia i ngā tūranga Kaitiakitanga ā-waho pērā i tana noho hei kaikaunihera mō ngā tau e ono ki Te Kuratini o Te Tai Poutini me ngā tau e waru hei Tarahiti mō West Coast Community Trust.

Kara Edwards

I whānau mai, ā, tipu mai hoki a Kara (Ngāi Tahu) i Te Tai Poutini, ā, i tēnei wā kei te noho ia ki Gladstone. Kua mahi ia i roto i ngā kaupapa ahurea tuku iho me te taiao, ā, kua kawea e ia ngā tūranga kaiwhakahaere matua i Te Papa Atawhai me Te Rūnanga o Ngāi Tahu. He mema tūturu ia o Te Rūnanga o Makaawhio me āna tūranga kaitiaki ā-iwi, ā-hapori hoki. 

Tino kaingākau ana ia ki tana ūkaipō ki Te Tai Poutini me ōna tāngata, nō reira e manawanui ana ia kia whai huarahi, kia tipu ora hoki ngā whakatupuranga o muri ki Te Tai Poutini tonu. E hihiri ana ia ki tēnei tūranga ōna kia whaikoha hoki ia ki te hapori.

Renee Rooney

Ko Renee te rangatira o tētahi pakihi pāmu miraka kau, ā, i ngā tau ki mua i mahi ia i roto i ngā rāngai mātauranga, rangatōpū hoki. I tēnei wā ko ia te Heamana o Development West Coast, ā, mai i te tau 2016 he Tarahiti hoki ia mō Grey District.

I tēnei wā anō he mema o te rōpū kaiwhakahaere o Federated Farmers West Coast; he mema komiti o TBFree West Coast; me te Lake Brunner Community Catchment Care Group.

Ko ngā tūranga kaitiaki o mua a Renee ko: Heamana, he Tarahiti hoki o te Poari o Lake Brunner School; he Kaiwhakahaere o Federated Farmers National Dairy Industry; me te Komiti-whāiti Kaiwhaipānga o Westland Milk Products.