Kua kopoua te Poari Kaiwhakahaere Āpitihanga o Te Kuratini ki Otago

E kopoua ana e te Poari Mātāmua o New Zealand Institute of Skills and Technology Establishment Board (te Poari Mātāmua) ngā kaiwhakahaere mō ngā poari o ngā Pūtahi Āpitihanga, Kuratini hoki (ITP), ā, nō te 1 Paengawhāwhā 2020 i mana ai.

Kua whakaae mai ngā tāngata e whai ake nei kia noho hei kaiwhakahaere mō te poari o Te Kuratini ki Otago mai i 1 Paengawhāwhā 2020:

Tony Allison – Heamana

Megan Potiki (Kāi Tahu, Te Ātiawa) – Heamana tuarua

Paul Allison

Michael Collins

Karen Coutts (Ngāi Tahu, Te Aitanga-a-Māhaki)

Adam La Hood

“Ko te kopounga o tēnei o ngā Poari Kaiwhakahaere tētahi o ngā mahi nui hei waihanga i tētahi pūnaha ahumahinga piritahi, mauroa hoki,” ki tā Barry Jordan, te Heamana o te Poari Mātāmua.

“Ko te hiahia ia mā ēnei kopounga e taurite ai te taha whakahaere me te taha ki ngā hononga taketake ā-rohe, ā hapori hoki.  E manawareka ana mātou i te momo o te tangata me ngā tirohanga rerekē kei ia poari, otirā ngā pūkenga me ngā tautōhito hei whakatinana i ngā hua pai mō ōna hapori anō.”

Ko te hiahia o te Education (Vocational Education and Training Reform) Amendment Act ko te iti rawa kia tokowhā, engari kia kaua e nui atu i te tokowaru ngā kaiwhakahaere mō te poari tuatahi o ia āpitihanga ITP, ā, ko tētahi haurua o aua kaiwhakahaere me mātua noho ki roto i te rohe e ratoa ana e taua āpitihanga. 

E kī ana a Tony Allison te Heamana o te Poari o Te Kuratini o Otago, “Tūturu, e tino ngākaunui ana ahau ki ngā āhuatanga ka hua mai i ngā whakahoutanga mō te Kuratini i ki Otago, mō ngā ākonga o tēnei wā, o āpōpō hoki, ā, kei te tāria ngā painga ka pā mai i ēnei hurihanga mō te rohe whānui.

“He wāhi nui whakahirahira tā te Kuratini nei ki te āhua ake o Ōtepoti, he wāhi nui tōna ki te rohe o Otago, ki Aotearoa, ki tua atu hoki. Inā kē te papai o ngā kaimahi katoa, me te ahurea – ka mutu, he pai mātou ki te whai kaupapa auaha, kia noho tuwhera, kia mahitahi hoki.

Hei ārahi haere anō i te nekehanga atu i te wairua o te whakataetae ki te āhua o te kōtuituinga tuku ratonga ki tēnā, ki tēnā rohe, kua whakataungia e te Poari Whakapūmau kia noho tētahi mema o Kaunihera NZIST hei kaiwhakahere ki ia poari āpitihanga ITP.  Tērā e whiwhi ia poari tētahi tangata hei ‘kopounga whakawhiti’. Ka whakataungia ēnei ingoa i te marama o Paengawhāwhā.

Mō te kopou i ngā kaiwhakahaere i whāia e te Poari Whakapūmau i tā te Treasury anga kopounga kaiwhakahaere ki ngā poari o ngā kamupene Karauna. Neke atu i te 370 ngā tono i tae mai i waenga i te wā o te Kirihimete me te huringa o te Tau Hou.

Katoa ngā kopounga ki ngā poari āpitihanga i whakamanahia e te kaunihera NZIST i te 1 April 2020. Ka whakamanahia ngā mema o tēnei Kaunihera e te Minita Mātauranga, Hon Chris Hipkins, i mua i te mutunga o Poutūterangi.

Tony Allison – Heamana

B COM, BA, CA, CMINSTD

Ko Tony te Kaiwhakaaere Mātāmua o mua o Night ‘n’ Day, ā, i tēnei wā he kaiwhakahaere ngaio motuhake, he kaitohutohu hoki. He maha ngā poari kei te nohoia e ia, pērā i Delta Utility Services Limited, Smith City Limited, Dunedin International Airport Limited me ētahi atu poari tohutohu. 

Kua mahitahi a Tony me te Kuratini ki Otago i runga i tana kaupapa o Edubits, ā, i tēnei wā ko ia te heamana motuhake o te poari tohutohu o Edubits. Ko tana ara mahi kaiwhakahaere o mua, ko ngā tūranga matua i ētahi umanga kaikaute nui, umanga ture hoki me tētahi kamupene hanganga nui. He Kaikaute Tūtohi a Tony, he Mema Tūtohi hoki o te Institute of Directors.

Megan Potiki – Heamana tuarua

Nō Ōtākou tonu a Megan, ā, ko Kāi Tahu me Te Ātiawa ōna iwi. I tēnei wā he pūkenga ia i te Whare Wānanga o Ōtepoti i te kura Māori, Pasifika me ngā Akoranga Iwi Taketake, ā, kei te whakaoti haere ia i tana PhD.

Ko te aronga o tana rangahau ko te ngaromanga o te reo Māori i Ōtākou me ngā tuhinga Māori o mua e tino hāngai ana ki te rohe o ōna iwi o Kāi Tahu i Te Waipounamu i Aotearoa.

Paul Allison  MNZM

I whānau mai, i tipu ake ai hoki a Paul ki Otago, ā, he whānui tonu ōna wheako kaitiakitanga nā tana noho ki ngā poari i roto i ngā rāngai hauora, hokohoko, mātauranga, hākinakina, me te tuku tahua hapori.

Aua atu i te 20 tau ia e mahi ana hei Kaiwhakahaere Mātāmua i ngā whakahaere whakaihu rāngai me āna mahi whānui anō i roto i ngā kaupapa hākinakina, whakapāpātanga, pāpāho hoki, me te aha neke atu i te 30 tau ia e mahi ana hei kaipāho pouaka whakaata, reo irirangi hoki.

E noho ana a Paul ki Central Otago, ā, i 2014 i kopoua tuatahitia a ia ki te Kaunihera o te Kuratini ki Otago. He kanohi kaiaka o mua mō Aotearoa, ā, 13 ngā wā i toa a ia mō te oma hauroa.

Michael (Mike) Collins

Ko te tino whakatauākī a Mike ko tēnei; ‘Inspire Self Belief in Others; Enabling Transformational Change and Fulfilment’. Ko ia te Kaiwhakahaere Matua Tāngata, te Ahurea me te Hangarau i te Southern District Health Board. I ngā tau ki mua ko Mike te Kaiwhakahaere o Learning Environment me te Kaiwhakahere o Service Excellence i te Kuratini ki Otago me tana ngākaunui ki te waihanga taiao mahi tino hihiri.

Nā runga i āna mahi poari me ngā rōpū whakahaere e whakaae ana a Mike ki angitu rawa tētahi whakahaere me whai rautaki mārama tonu me ngā wawata auaha e tautokohia ana e ngā tāngata e mahi ana i roto i te ahurea whakamana tangata.  E whakapono ana a Mike ka taea ngā hurihanga whakaumu, kia kaha tonu te moemoeā, kia whakapono ki a koe anō, ki te mōhiotanga kotahi o te hunga e mahi ana koe i te taha, ā, ka taea ngā maunga teitei.

Karen Coutts

Ka haere mai a Karen (Ngāi Tahu me Te Aitanga-a-Māhaki) me ōna wheako kaitiakitanga i te rāngai tūmatanui me te taha ki ōna iwi. He whānui ana tūranga kaitiakitanga, mai i ngā NFP ki ngā hinonga tūmatanui me te whakahaere i ngā kaupapa ōhanga rerekē, pērā i te Heamana o ngā Kōmiti Tātari, Whakatau Raru Ka Heipū mai.

Kua mahi ia i roto i te rāngai hauora me te rāngai pāpori, me ngā mahi tatauranga, te hangarau me te whanaketanga ōhanga, me te arotahi ki te whanaketanga ōhanga Māori. I pū mai tana aronga ki te whakahou i te mātauranga ahumahinga i te āhei ki te whakatipu ohumahi e tōtika ana mō te rautau pūtake hangarau 21 me ngā hua ōhanga ka puta mō Aotearoa.

Adam La Hood

He Kaikaute Tūtohi a Adam, he tautōhito hoki i te whānuitanga o ana mahi tiaki pūtea i konei i Aotearoa, i tāwāhi hoki i ngā ahumahi rerekē. Atu i ana pūkenga tiaki pūtea ko āna pūkenga kaiwhakahaere, rangatōpū hoki mō te taha rautaki, whakahaere raru, te taha hauora, haumaru hoki, me te whakahaere tara-ā-whare. He Kaiwhakahaere hoki a Adam i te Poari Whāiti o Dunedin Venues Management me te Kaikaute Matua mō Cook Brothers Construction.

I whānau mai, i tipu ake ai hoki a Adam ki Ōtepoti, ā, e tino ngākaunui ana ia kia noho te tāone nui nei hei wāhi noho, wāhi mahi pai rawa. Ki a Adam he taonga nui te Kuratini ki Otago mō te tāone nui, ā, ko tana hiahia kia angitu tonu tana noho i roto i te rāngai mātauranga matua.