Kua Hikitia e Te Kuratini o Ōtepoti Tōna Hui Whakapōtaetanga

Harakeke flax at sunset

Kua tau te hinapōuri ki a mātou o te Kuratini o Ōtepoti i runga i te whakatau kia hikitia ngā hui whakapōtaetanga o te Paraire 11 o Tihema me ngā hui tōmua o tēnei rā me āpōpō (Tāite 10 me Paraire 11 o Tihema).

I runga i ngā tohutohu mai a Ngā Pirihimana o Aotearoa, kua tau te whakaaro kia hikitia ā mātou hui whakapōtaetanga.

I kī a Dr Megan Gibbons, Kaiwhakahaere Matua o te Kuratini o Ōtepoti kei te āta tirotiro rātou ki ngā āhuatanga, ā, he rite tonu te whakawhiti kōrero me Ngā Pirihimana.

“Mōhio tonu mātou ki te nui o te mahi, te koronga ngākau, te whakapau kaha hoki ki ngā akoranga, waihoki te tuku akoranga me ngā ratonga tautoko mō ngā ākonga,” te kī a Dr Gibbons.

“Tēnā te tini tāngata kua raru i tēnei whakatau, pērā i te hunga nā rātou i whakapau kaha ki te takatū i ngā hui whakapōtaetanga. Heoi, ko te mea tuatahi ki te Kuratini o Ōtepoti, ko te haumaru o ōna ākonga me ōna kaimahi.”

Tēnei te Kuratini o Ōtepoti te tuku i tōna aroha ki ngā ākonga me ngā kaimahi i Te Whare Wānanga o Otago, mō te mea i raru hoki ōna hui whakapōtaetanga.

E ai ki a Nathan Laurie, Perehitini OPSA, ahakoa kua mate mātou ki te kihi i ngā hui whakanui i whakaritea, e kore rawa e whakaiti i ngā tutukitanga a ngā ākonga i tēnei tau tino rerekē.