Ngā kopounga ā-iwi o Te Tauihu ki te Poari o NMIT

Ngā kopounga ā-iwi o Te Tauihu ki te Poari o NMIT

NMIT Joanie Wilson image

I te rā nei e pānuitia ana e te Poari Mātāmua o New Zealand Institute of Skills and Technology (te Poari Mātāmua) te kopounga o Joanie Wilson ki Poari Kaiwhakahaere o NMIT, ā, nō te 1 Paengawhāwhā 2020 i mana ai.

He uri a Joanie nō ngā iwi o Ngāti Toa Rangatira, Ngāi Tahu, Ngāti Koata, Ngāti Tama, Ngāti Rārua, Te Atiawa me Ngāti Tūwharetoa, ā, ka noho ia me ngā tāngata e whai ake nei, i pānuitia rā i te 17 o Poutūterangi e whakaae ana hoki rātou kia noho hei kaiwhakahere mō te poari o NMIT mai i 1 Paengawhāwhā 2020:

Daryl Wehner – Heamana

Tracy Johnston – Heamana Tuarua

Judene Edgar

Antonia (Toni) Grant

Charles Newton

Patrick Smith (Te Ātiawa, Ngāti Apa ki te Rā Tō, Rangitane, Ngāi Tahu)

E whai muri ana te kopounga o Joanie i te tono a te Poari Mātātmua ki Te Tau Ihu o Te Waka-a-Māui (Ngā iwi o Whakatū me Wairau) ki te whakaingoa i tētahi Kaiwhakahaere kia noho ki runga i te Poari o NMIT hei māngai mō ngā take a ngā iwi me te tangata whenua.

“Ko te kopounga o Joanie ki te Poari Kaiwhakahaere o NMIT he mea whakatau i runga i te whakaaro tahi o ngā iwi o Te Tau Ihu. Nā āna mahi i roto i te rāngai mātauranga hei kaiako, hei kaitohutohu ahurea hoki, me ōna hononga hōhonu i roto i te rohe o Whakatū/Wairau, ka tuku tirohanga kaiārahi, kanohi matara hoki ki te poari,” te kī a Barry Jordan te Heamana Poari Mātāmua.

E kī ana te Hemana Poari NMIT a Daryl Wehner, “E ngākaunui ana mātou ki te rāhiri i a Joanie ki te Poari Kaiwhakahaere o NMIT. Inā kē te nui o tana whakapau kaha mō te iwi me ngā hapū me te rāngai mātauranga, ka mauria mai e ia ana wheako hei painga mō te Poari, kia whānui, kia hōhonu hoki ngā whakaaro o tēnā, o tēnā o tā tātou Poari.

Ko te hiahia o te Education (Vocational Education and Training Reform) Amendment Act ko te iti rawa kia tokowhā, engari kia kaua e nui atu i te tokowaru ngā kaiwhakahaere mō te poari tuatahi o ia āpitihanga ITP, ā, ko tētahi haurua o aua kaiwhakahaere me mātua noho ki roto i te rohe e ratoa ana e taua āpitihanga. 

Hei ārahi haere anō i te nekehanga atu i te wairua o te whakataetae ki te āhua o te kōtuituinga tuku ratonga ki tēnā, ki tēnā rohe, kua whakataungia e te Poari Whakapūmau kia noho tētahi mema o Kaunihera NZIST hei kaiwhakahaere ki ia poari āpitihanga ITP. Mō te poari o NMIT ka whakakīia tēnei tūru e Kathy Grant, māna ka tokowaru ngā kaiwhakahaere, ā, ka kī ai ngā tūru o tēnei poari.

Katoa ngā kopounga ki ngā poari āpitihanga i whakamanahia e te kaunihera NZIST i te 1 Paengawhāwhā 2020. Ka whakamanahia ngā mema o tēnei Kaunihera e te Minita Mātauranga, Hon Chris Hipkins, i te 18 o Poutūterangi.

Joanie Wilson

Ko Joanie (Ngāti Toa Rangatira, Ngāi Tahu, Ngāti Koata, Ngāti Tama, Ngāti Rārua, Te Atiawa, Ngāti Tūwharetoa) te māmām o ngā taitamariki ātaahua e rua. I whānau mai ia i Whakatū, ā, kei reira tonu ia e noho ana. Kua mahi ia hei kaiako, ā, kua whai wheako hoki ia i te rāngai hauora, i te arataki i te whanaketanga ā-iwi me te mātauranga Māori. Ko ia te Kaitohutohu Rautaki o Te Tāhuhu o te Mātauranga, ā, i tēnei wā kei te noho ia ki te Ngāti Koata Trust board hei Heamana Iwi. He mema hoki a Joanie o te Te Tau Ihu Intergenerational Strategy Steering Committee.