Heamana Poari Hou mō NMIT

Ka piki ake a Tracy Johnston hei Heamana mō te Poari o NMIT

NMIT Daryl Wehner with Tracy Johnston

Kua kopoua a Tracy Johnston e te Kaunihera o Te Pūkenga hei Heamana mō te Poari o Te Whare Wānanga o Te Tauihu o Te Waka a Māui (NMIT).

I tonohia a Tracy kia piki ake ki te tūnga Heamana, nā runga i tana noho hei Heamana Tuarua mai i 1 o Aperira i te wā i huri ai te NMIT hei āpitihanga o Te Pūkenga.

“Nā tana mahi i te rāngai tāpoi i tāwāhi, te whakatipu karepe, te whakahaere me te arataki pakihi ka whai te poari NMIT i tētahi kaiarataki hiranga, tautohito hoki,” te kī a Murray Strong, Heamana o te Kaunihera o Te Pūkenga. “He mea nui kia mau tonu ki te kaupapa kua whakaritea hei whakaumu i te rāngai mō ngā ākonga, ā, ka pērā tonu mō NMIT i te mea kua piki a Tracy ki te tūranga Heamana.”

He kaipakihi a Tracy kei Waiharakeke, he kaiwhakahaere, kaitohutohu motuhake hoki ia. Kua whai tohu a Tracy mō ngā kaupapa mahi mākete, mahi whakahaere hoki, ā, kua aua atu i te 25 tau ia e mahi ana i roto i te rāngai tāpoi.

I tipu mai a Tracy i Waiharakeke tonu, ā, ka puta ka haere ki tāwahi mahi ai mō Tourism New Zealand, i mua i tā rāua hoki mai ki te wā kāinga i 2007, ko tana hoa tāne a Kevin. Mō ngā tau e waru, ko ia te Pou Whakahaere o Destination Marlborough me tana whakatairanga te rohe hei wāhi haere mō ngā manuhiri.

Nō Tracy rāua ko Kevin te māra wāina o Dayvinleigh Vineyard,i te Whārua o Wairau,

kei reira e whakatipu ana rāua i ngā kerepi whai tohu Pinot Noir.

Atu i āna mahi kaitohutohu me te noho ki te ngā Poari NMIT me EIT, ko ia hoki te Heamana Tuarua o Wine Marlborough Limited me te Heamana Tuarua anō hoki o te Komiti Tohutohu ā-Rohe o FENZ Marlborough.

He mema hoki a Tracy o te Institute of Directors me Economic Development New Zealand.

“E tino ngākaunui ana ahau ki tēnei tūnga hou kia ārahi i NMIT i ngā tau e rua e haere ake nei mā te whakahaerenga o te whakaumutanga o tētahi pūnaha mātauranga ahumahinga ā-motu,” t ekī a Tracy. Ko taku mahi tōmua ko te mātua whakarite kia whai te NMIT i ngā rawa tika kia tū hoki ia hei hoa whaikiko ki te iwi, ki te mahitahi hoki me ngā kaitukumahi puta noa i te Tauihu o te Waka o Māui ki te tuku huanga mātauranga kounga hei tautoko i te tōnuitanga ohaoha o te rohe o Whakatū me Wairau.

Ka kawea ake e Tracy te tūnga nei i a Daryl Wehner, nāna i noho hei Heamana, hei Mema hoki tata ki te 12 tau; mai i te 1 o Aperira hei Heamana tuatahi o NMIT hei āpitihanga o Te Pukenga.

“E haere ana ngā mihi ki a Daryl mō āna mahi hei painga mō NMIT,” tā Murray kī. “He tino wero tēnei tau tuatahi mō te pūnaha hou, pūnaha whakapiripiri nei. He rawe hoki tā Daryl mahi hei kaiarataki.”