Kua kopoua te Heamana o te Komiti Tohutohu Tika Kararehe ā-Motu

Kua kopoua a Ahorangi Nat Waran o Te Aho a Māui (EIT) hei Heamana mō te Komiti Tohutohu Tika Kararehe ā-Motu (NAEAC).

Professor Nat Waran

Kua kopoua a Ahorangi Nat Waran o Te Aho a Māui (EIT) hei Heamana mō te Komiti Tohutohu Tika Kararehe ā-Motu (NAEAC), ā, ko tā te komiti nei he tuku tohutohu motuhake mō ngā take tika, take oranga kararehe hoki e pā ana ki te whakamahi kararehe i roto i te rangahau, te whakamātau me te whakaako.

Ko Ahorangi Waran tētahi Kaiako Whakahaere i Te Aho a Māui (EIT) tētahi o ngā āpitihanga o Te Pūkenga, te kōtuinga kotahi hou mō te mātauranga ahumahinga.

"Tina harikoa ana mātou i te kopounga o Nat hei heamana mō tētahi rōpū tohunga e tohutohu ana mō tēnei mahi hirahira," te kī a Tākuta Angela Beaton, Kaiwhakahaere Mātāmuri, Tukunga Pūmātauranga me te Auahatanga i Te Pūkenga.

Nō Ahorangi Waran te hōnore ki te kawe i tēnei tūranga hou, he mea whakatau tēnei kopounga e Hon Meka Whaitiri te Minita Takirua mō te Ahuwhenua (Oranga Kararehe). E kī ana a Ahorangi Waran, i whakangungua ia hei kaipūtaiao mahi, me te aha ko te mātauranga tōna kaingākau.

"He hōnore tino nui te tono mai a Minita Whaitiri ki au, kia noho au ki te tūranga o Heamana, kia mātua whai ka tukua he tohutohu motuhake mō te oranga kararehe me ngā take tika hoki e pā ana ki te whakamahi kararehe i roto i te rangahau, te whakamātau me te whakaako," te kī a Ahorangi Waran.

"Mā te rangahau tino kounga, rangahau tino whaikiko hoki e noho tomua ai, kia tino mārama ai hoki te oranga kararehe me ngā haepapatanga. Ka whāiti mai i raro i te ture Oranga Kararehe ko te manaakitanga mō ngā kararehe i Aotearoa me te whakaaro nui ki te whai koha o ngā kararehe ki tō tātou porihanga.

"Kei te anga whakamua au ki te tautoko i te mahi a ngā komiti Tika Kararehe ā-motu i runga i tō rātou ngākaunui kia kounga rawa te oranga kararehe, me te whakatairanga i ngā mātāpono o te whakakapi me te whekehekenga me te whakaniko i te whakamahi kararehe, i roto i ā rātou mahi papai katoa."

Kua whai hononga kē a Ahorangi Waran ki Te Pūkenga, inā hoki he mema ia o te Poari Akoranga o Te Pūkenga, tētahi whakawhitinga ki te tūranga Kaitohutohu Pūmātauranga, me tana tū hei mema o te rōpū whanaketanga mō te Whakaaetanga Rangahau hou mō te Whakamahi Kararehe.

I EIT, e noho haepapa ana a Ahorangi Waran mō te rangahau i roto i te Pokopū Rangahau me te Auahatanga o reira. Ko ia hoki te kaiārahi mō ngā kaupapa Mauroatanga me ngā Taiao i EIT - me te aha, i toa a EIT i roto i te Tohu Green Gowns 2021, Australasian Campuses towards Sustainability (ACTS) - i roto te wāhanga ‘Benefitting Communities’.

I mua i tana mahi i EIT, i arahina e Ahorangi Waran ētahi kaupapa rautaki hei kaiwhakahaere tuatahi o te Centre for Animal Welfare Education i te Whare Wānanga o Edinburgh, tētahi o ngā whare wānanga whakaihu waha o te ao, ā, ko ia hoki te Kaiako Whakahaere ā-Ao mō te Kura Rata Kararehe. Mai i 2006 ki 2011, ko ia te Kaiako Kaiwhakahaere Takirua (Rangahau) i te Kura Pūtaiao Pāpori, Hauora hoki me tana tūranga hei Tumuaki mō te Kura o ngā Pūtaiao Mataora. Ka kimihia mai a Ahorangi Waran i te Whare Wānanga o Edinburgh ki te tango i tōna tūranga i EIT i te hiku o te tau 2016.