He tino kopounga kaitiaki i Tāmaki Makaurau

Kua kopoua a Marama Royal (Ngāti Whātua) ki ngā poari o MIT me Unitec, a ngā pūtahi nei e mahi ana kia whaihua ngā hononga ā-Te Tiriti i roto i te roh.

MARAMA v2

Kua kopoua a Marama Royal (Ngāti Whātua) ki ngā poari o MIT me Unitec, a ngā pūtahi nei e mahi ana kia whaihua ngā hononga ā-Te Tiriti i roto i te rohe.

“Nō mātou te hōnore kua whakaaetia e tēnei wahine kairangi, kaiārahi iwi tēnei kopounga,” te kī a Murray Strong Heamana Kaunihera o Te Pūkenga.

“Hei Heamana o Ngāti Whātua Ōrākei Trust ka mauria mai e Marama tōna matatau hei kaitiaki me tētahi reo kaha, mārama hoki mō te taha ki te mana whenua ki te whakaoti whakatau e pā ana ki te tuku i te mātauranga ahumahinga e pai ake ai te whakaanga, te tautoko hoki i ngā wawata me te whanaketanga ōhanga o te tauira, te iwi, ngā hapū me Ngāi Māori.”

Ka noho haepapa te Trust Board o Ngāti Whātua ki te whakahaere ki te tiaki hoki i ngā rawa a te Trust e āhei ai te whanaketanga ahurea, arumoni, pāpori hoki mō tōna rima mano uri huri noa te motu.

Kua whai painga hoki ētahi poari i roto i ngā rāngai mātauranga, ahuone, tautoko ā-ao, mahi aroha, hapori hoki i tō Marama matatau kaitiakitanga.

I roto i tana mahi, kua kawe tūranga whakahaere ia i te Tāhu o te Ture me te Tautāwhi Pārurenga ā-rohe, ā-motu hoki.

Hei Kaiwhakahaere Matua – Hapori Māori, Pasifika, Iwitanga me ngā Hapori Kanorau; noho haepapa ai a Marama mō te whanaketanga o Te Rautaki Māori – Te Huarākau o Manaaki Tangata.’

“E hiamo ana au kia whai wāhi ki te tukunga o te mātauranga ahumahinga puta noa i Tāmaki Makaurau kia whakarite hononga whaihua. Ko te mātauranga tētahi o ngā whāinga tōmua mō te Māori. He mea whaitake tonu kia tukua e ā mātou pūtahi te ōrite mō Ngāi Māori me te whakatutuki i ngā hiahia wā-roa o ngā ākonga, ō rātou whānau, hapori hoki,” tana kī.

Kua mokoa ki te tūtohinga o Te Pūkenga whai kia whakamana te kaitiakitanga, te whakahaere me ngā mahi i Te Tiriti o Waitangi, me ngā mātāpono o te urunga mai me te ōrite.

“He mea tino whaitake tēnei kopounga mō ngā kaituku akoranga,” te kī a Peter Winder Heamana MIT-Unitec. “Inā kē te matatau o Marama ki te mahi poari, i a mātou e whai ana kia rite te pitomata nui o ngāi Māori i Tāmaki.”

I pōwhiritia a Marama Royal i mua i tana noho ki ngā hui tuatahi hei mema poari i te Tāite 27 Mei.