Ko te TITO tuarua ka whakawhiti ki Te Pūkenga

I te rā nei i rāhiri a Te Pūkenga i Connexis, te tuarua o ngā Whakahaere Whakangungu Ahumahi Whakawhiti (TITO) mā te whakatau mariko kē, nā runga i ngā here o te urutā Kōwheori.

Connexis welcome - Civil Infrastructure image

I te rā nei, i whakawhitia tā Connexis kawenga hei whakarite whakangungu i ngā rāngai Tūmatanui, Pūngao, Torotoro Waea, Wai hoki ki tā Te Pūkenga āpitihanga, ki Work Based Learning Limited (WBL). He wāhanga pakihi motuhake a Connexis nō WBL, ā, ko Kaarin Gaukrodger te Kaiwhakawhakahaere.

I roto i WBL, ka whakarite, ka tautoko, ka aromatawai tonu i te ako i rō wāhi-mahi, hei tuku aramahi mārama, piatanga whai mana ā-motu me ngā tohu tiwhikete mā te ohumahi hanganga o Aotearoa.

Ka mauria mai e Connexis tētahi pūtake tipu tere nei o ngā ākonga wahi-mahi i ngā rāngai hanganga. I tēnei tau e 35 ōrautanga te pikiinga o te tokomaha kua whakarua ki ā Connexis piatanga, kaupapa whakangungu hoki. Ko tāna hoki he mau mai i ētahi kaupapa tū-mārō hei whakatairanga i ngā aramahi hanganga arā,  

Ultimit: Women in Infrastructure, me Girls with Hi-Vis®. Tirohia te roanga o ngā kōrero mō ēnei kaupapa i konei.

Nā Fiona Kingsford, te Kaiwhakahaere Mātāmua Rīwhi o WBL, i rāhiri i Connexis i te whakatau mariko, nā runga i ngā here a te urutā Kōwheori. I tana whaikupu ki ngā kaimahi 100 huri noa i Connexis me Te Pūkenga, ka kōrero ia mō te hiranga o tēnei rā.

“Ka haere te mihi nui ki a Connexis mō te ngākaunui ōna kia mahitahi me mātou i runga i tēnei huarahi me he rerenga kōtuku te ōngē. Me mihi au ki ngā tāngata katoa o Connexis e whakawhiti mai ana, inarā, nā koutou me ā koutou mahi tonu ia te rā, ia te rā i te taha o ngā pia, ngā tauira me ngā kaitukumahi puta noa i ngā ahumahi i taea ai.” tana kī.

I te rā nei, i kī a Kaarin Gaukrodger tā Connexis Kaiwhakahaere, koinei te huanga o ngā whakawhiti kōrero i roto i ngā tau me ngā kaimahi, ngā ahumahi, ngā ākonga me ētahi atu rōpū whaipānga hei rapu i te ara haere whakamua mō te whakangungu hanganga ahumahi.

“Inā te tere o te tipu o ā mātou ahumahi, me ngā huarahi nui e tuwhera mai ana mā ngā ākonga. E tino hiamo ana mātou i tēnei hīkoitanga hou me Te Pūkenga e whiwhi ai ngā ākonga i ngā hiahia o ngā kaitukumahi hanganga, i āianei, ā, e haere ake nei. Mā te mahitahi e taea ai te ahuahu, te whakatipu hoki i te mātauranga ahumahinga i Aotearoa me te tuku akoranga ngāwari, e wātea ana”.