Kua waitohu Kawa Whakawhiti a Connexis me Te Pūkenga

Ka whakaae a Connnexis me Te Pūkenga ki ngā tikanga e whakawhiti ai te Whakahaere Whakangungu Ahumahi Hanganga (arā ko Connexis te ingoa taukohokohoko) me āna mahi matua ki tā Te Pūkenga āpitihanga hou – Work Based Learning Ltd (WBL).

infrastructure image two silhouettes looking at papers

I te marama o Hune i whakaae te Amorangi Mātauranga Matua (TEC) kia whakawhitia e Connexis āna mahi Whakarite Paerewa, Whakangungu hoki ki ētahi atu hinonga hei panoni i raro i te Whakahouanga o te Mātauranga Ahumahinnga (RoVE).

Ko Connexis te mea tuatahi o ngā Whakahaere Whakangungu Ahumahinga Whakawhiti (ngā TITO) 11 kia whiwhi whakaaetanga mō tōna Mahere Whakawhiti, kia waitohu hoki i tētahi Kawa Whakawhiti hei whakawhiti i āna mahi Whakarite Whakangungu ki tētahi kaituku akoranga.

Hei te 1 o Mahuru 2021, ka nekehia e Connexis te nuinga o āna mahi, hāunga ko ngā mahi Whakarite Paerewa, ki Te Pūkenga. Ko Te Pūkenga te hinonga Karauna hou i whakatūria e te kāwanatanga hei whakakotahi i ngā Pūtahi Hangarau me ngā Kuratini (ngā ITP) me ngā TITO huri noa te motu ki tētahi kōtuinga ā-motu.

Whakawhitia ai ngā mahi TITO ki Te Pūkenga, ka noho tērā hei wāhanga pakihi motuhake i roto i te āpitihanga WBL o Te Pūkenga. I muri i te whakawhitinga, ka kīia a Connexis ko ia te Wāhanga Pakihi Connexis i roto i WBL.

Ka whakarite tonu e te Wāhanga Pakihi Connexis i te Whakangungu, kia mahitahi me ngā ahumahi ki te whakarite kaupapa whakangungu e tutuki ai ngā hiahia o te ohumahi, te whakauru kaimahi ki ngā kaupapa whakangungu wāhi-mahi, te tautoko hoki i a rātou i runga i tā te ākonga haerenga.

E kī ana a Kaarin Gaukrodger te Kaiwhakahaere Mātāmua o Connexis, e tautoko whānuitia ana te neke mai i te ahumahi ki Te Pūkenga WBL, te whakahaere me TEC, ā, mā te Kawa Whakawhiti kia pai te whakanoho a te ahumahi hanganga me te whai hua i ngā whakahouanga.  

“Ka tāna he whakarite pūnaha e kaha whāngaihia e te ahumahi, e pupuritia hoki ngā pūkenga me mōhiotanga pērā i ngā kaituku whakangungu whāiti, ngā kaiaromatawai, ngā kaiwhakaōrite me ētahi mema o te tīma Connexis.

“Mā te whai wāhi ki tā Te Pūkenga whānau whānui ko te tūmanako ka taea te e mātou te whakatutuki i ngā tono anamata ohumahi kei ā mātou ahumahi mā te whai wāhi pai ake ā-rohe ki te whakangungu, te kaha ake o te ngāwari me te tautoko i ngā ākonga, me te tuku huanga me ngā pūkenga kounga, whaihua hoki.

“Ko tā mātou e arotahi nei kia ngāwari kau te whakawhiti, kia iti te tauwhati mā ngā ākonga me ngā kaitukumahi, ā, kia iti ngā panoni e kitea ana i tēnei tau i a mātou ka tuku tonu i ngā whakaakoranga me ngā ratonga o tēnei wā. Ka tirohia ngā wāhi e pai ake te ahumahi i a mātou e mahi ana i roto i Te Pūkenga ki te hāpai i te whakatūhanga o te pūnaha mātauranga ahumahinga kotahi.”

“E tino manawareka ana mātou i te urunga mai o Connexis ki te whānau a Te Pūkenga. Mā te āwhina mai a Connexis e whai huarahi tēnei whakatipuranga ake ki te hanga pūnaha ako ahumahinga he ngāwari ki te whai, e urupare ana ki ngā hiahia o ngā ākonga me ngā kaitukumahi rerekā, he ngāwari anō kia panoni i roto i te huringa o te wā. He mea tino whai hua ngā pūkenga, mōhiotanga, tautōhitotanga hoki e kawea mai ana,” tana kī.

Ka whakawhiti ngā mahi Whakarite Paerewa a Connnexis ki ngā Kaunihera Whakawhanke Ohumahi (ngā WDC), arā, ki Waihanga Ara Rau, te WDC Hanganga, ā te 4 o Whiringa-ā-nuku 2021. Ka whāiti mai ki ngā mahi Whakarite Paerewa, ko te whakarite tohu mātauranga, paerewa hoki, te whakaōrite aromatawai me te ahuahu i te marau mātauranga ahumahinga.

He tohu nui te whakawhiti i ngā mahi mai i ngā TITO ki hinonga kē i raro i te kaupapa o RoVE, hei whakakotahi i te whakangungu ahumahinga ā-wāhi-mahi, ā-kura, ā-tuihono hoki.

Me mātua whakawhiti ngā mahi katoa i mua i te 31 o ngā rā o Hakihea 2021.

Ka whai atu tā Connnexis whakawhiti ki Te Pūkenga, i tētāhi hoa TITO, i a Competenz, ka oti tērā ā te marama o Hereturikōkā 2021.