Ka whakanuia e NZIST ngā Pokapū Ahumahinga Hiranga

Mā ngā āpitihanga o MIT te CoVE mō te Hanganga e hautū, ā, mā EIT e hautū te Rāngai Ahuwhenua, Ahumoana hoki.

CEOs in front of display banner

Mā ngā āpitihanga o MIT te CoVE mō te Hanganga e hautū, ā, mā EIT e hautū te Rāngai Ahuwhenua, Ahumoana hoki.

I pānuitia e te Kāwanatanga i te rā nei , ka whakatūria ngā pokapū ahumahinga hiranga (CoVEs) tuatahi mō te Hanganga me te Rāngai Ahuwhenua, Ahumoana.

“E tino hiamo ana mātou ki te hautū, ki te tautoko hoki i ngā whakahoatanga kāhui i runga i te tūmanako ko tēnei te tuatahi o ngā CoVE i NZIST,” te kī a tā NZIST Kaiwhakahaere Mātāmua a Stephen Town.

“Ko tā te CoVE mō Te Kai me Ngā Kaka, e hautūngia ana i tā mātou āpitihanga EIT, me tā te CoVE mō te rāngai hanganga, e hautūngia ana i te āpitihanga MIT, he whakaatu i pāpātanga tērā ka kitea ina whakahangia ana ngā hononga i waenga i ngā pūkenga me te whakangungu, te ahumahi me te hapori, tae atu ki te hunga whaitake, arā, ki ngā ākonga. Koinei tētahi hīkoitanga anō mō te whakahou i te mātauranga ahumahinga.”

Ko tā te CoVE Hanganga (ConCoVE), e hautūngia ana i MIT he hāpai i ngā whāinga tūhonohono a te Whakaaetanga Rāngai Hanganga  i waenga i te Kāwanatanga me ngā ahumahi, hei waihanga i tētahi rāngai whaihua, mauroa, pakari hoki mō ngā pakihi me ngā kaimahi.

“Ko tū tē pokopū hei kōtuinga ā-motu e hono ana i ngā ahumahi ki ngā kaituku akoranga,” te kī a Gus Gimore, te Kaiwhakahaere Mātāmua o MIT.

Ko te tūmanako ka riro mā te CoVE mō Te Kai me Ngā Kaka e whakakao mai i ngā tāngata mai i ngā wāhi katoa o te rāngai ahuwhenua, ahumoana ki te mahi ngātahi i runga i te whakangungu kei te hiahiatia e ngā tāngata, e ngā pakihi hoki.

E kī ana te Kaiwhakahaere Mātāmua o EIT, a Chris Collins mā te CoE he whakakao mai i ngā tāngata me ngā whakahaere whai take e tika ana kia tipu te tukunga hiranga o te mātauranga ahumahinga me te tuari i te marau me te hoahoa whakaakoranga tino kounga puta noa i te pūnaha. “Kei te kaha tautoko mātou i te hiahia kia kaha ake te aronga ki te mātauranga ahumahinga hei āwhina i ngā ahumahi, ngā pakihi me ngā hapori kia tipu ora.”

“Kei te tipu haere tonu ā mātou ahumahi,” ki tā Nigel Philpott te Kaiwhakahaere Mātāmua o te ITO Ahuwhenua. “Mā te mahi ngātahi e tipu ai he tikanga mahi hou. I Heretaunga, i tēnei marama ka hūnuku ngā kaimahi ITO Ahuwhenua ki ngā tari kei EIT, mā tērā e mahi ngātahi ai ngā whakahaere e rua nei ki te whai hua pai rawa mō ngā ākonga rāngai ahuwhenua.”

 

Mō ngā CoVE

Ko ConCoVE me te CoVE mō Te Kai me Ngā Kaka ngā CoVE tuatahi ka whakatūria puta noa i ngā ahumahi me ngā rāngai, hei kōkiri haere i te auahatanga me te hiranga i te mātautanga ahumahinga, mā te whakakaha i ngā hononga ki ngā ahumahi me ngā hapori.

“Kua whakatūria te NZIST kia urupare atu ki ngā hiahia o ngā rohe katoa o Aotearoa, ā rātou ākonga, ahumahi, kaitukumahi, me ngā hapori,” te kī a Mr Town.

Ko te tauira o te CoVE tētahi hanga hei āwhina i a mātou ki te kawe i taua aronga. Mā te kōkiri haere i te auahatanga me te hiranga i te mātauranga ahumahinga, hei tohu i tētahi huarahi hou mō te whakangungu – te mahitahi me tētahi rōpū mai i tētahi rāngai hei whakatipu i te tukunga ahumahinga hiranga me te tuari i te marau me te hoahoa whakaakoranga tino kounga.”

Tirohia ētahi atu kōrero mō te ConCoVE .

Tirohia ētahi atu kōrero mō te CoVE mō Te Kai me Ngā Kaka .