Kua kopoua e NZIST e ono ngā Kaiwhakahaere Mātāmua Tuarua

The new roles will form the basis of the new NZIST leadership team.

Close up of two hands weaving flax

Nau mai, haere atu ēnei kupu whakatau
Ki te iti, ki te rahi o Aotearoa whānui
Tēnei te tira hou e hanake nei
He pūkenga, he mātanga, he ringa tōhau nui
Whītiki, maranga, he ora!

This message is being sent to all of New Zealand
This is a new team ready to go
Skilled, knowledgeable and industrious
Prepare for the future.

Ko ngā kopounga DCE ko:

  • Ana Morrison ko ia hei DCE Whakahoatanga, Whiwhinga Ōrite. I tēnei wā ko Ana te Executive Director – Strategic Partnerships & Māori Success ki Toi Ohomai
  • Tania Winslade ko ia hei DCE Learner Journey and Experience. I tēnei wā ko Tania te GM Māori Outcomes ki Te Kaunihera o Tāmaki Makaurau
  • Warwick Quinn hei DCE Employer Journey and Experience. Ko Warwick te Kaiwhakahaere Mātāmua o BCITO i tēnei wā
  • Dr Angela Beaton hei DCE Delivery and Academic. I tēnei wā ko Angela te GM National Women’s Health, Auckland DHB
  • Merran Davis hei DCE Transformation and Transition. Ko Merran te Kaiwhakahaere Mātāmua mō tēnei wā o Te Whare Wānanga o Wairaka
  • Vaughan Payne hei DCE Operations. I tēnei wā ko Vaughan te Kaiwhakahaere Mātāmua ki Te Kaunihera ā-Rohe o Waikato

“Inā kē te tokomaha o ngā tāngata tino pūkenga nāna i tono kia whai tūranga ki tā mātou tīma. E tino harikoa ana ahau mō ā mātou DCE tokoono hou ka mahi i tōku taha hei kaiarataki, hei kaiwhakahaere hoki i runga i tēnei haerenga ongaonga nui tonu, kia pohewatia anō te āhua o te mātauranga me te whakangungu ahumahinga mō Aotearoa,” hei tā Stephen.

“Tēnei tīma hou e haramai nei, he pūkenga nui, he pūkenga hirahira, he tino tautōhito hoki. Ko rātou te momo e tika ana kia taea e tō Aotearoa kaituku mātauranga matua nui rawa te whai kia tutuki i a ia ngā hiahia o ā mātou ākonga, kaitukumahi, ahumahi me ngā hapori.”

Ko te utu mō ā NZIST tūranga DCE hou e ono kei waenga i te $253,249 - $392,214. Ka uru mai ngā DCE hou ki ā rātou mahi hou ā ngā wiki mātāmua o Noema.

Ngā kōrero e pā ana ki te tūranga mahi

Ngā kōrero mō te tūranga DCE Tukunga, te Pūmātauranga hoki

Ngā kōrero e pā ana ki te tūranga DCE Te Haerenga me te Wheako Kaitukumahi

Ngā kōrero e pā ana ki te tūranga DCE Te Haerenga me te Wheako Ākonga

Ngā kōrero e pā ana ki te tūranga DCE Ngā Whakahaerenga

Ngā kōrero e pā ana ki te tūranga DCE Whakahoatanga, Whiwhinga Ōrite

Ngā kōrero e pā ana ki te tūranga DCE Te Whakaumu me te Whakawhiti