Kua kopoua te Poari Kaiwhakahaere Āpitihanga o Ara

Ko ngā tāngata kua whakaae mai kia noho rātou hei kaiwhakahaere ki te poari o Ara.

Ara Therese Arseneau image

I te rā nei e pānuitia ana e te Poari Mātāmua o New Zealand Institute of Skills and Technology (te Poari Mātāmua) ngā kaiwhakahaere mō ngā poari o ngā Pūtahi Āpitihanga, Kuratini hoki (ITP), ā, nō te 1 Paengawhāwhā 2020 i mana ai.

Kua whakaae mai ngā tāngata e whai ake nei kia noho hei kaiwhakahere mō te poari o Ara mai i 1 April 2020:

Thérèse Arseneau – Heamana

Melanie Taite-Pitama (Ngāi Tahu, Tauranga Moana) – Heamana Tuarua

Jane Cartwright

Nettles Lamont

Andrea Leslie

Bryn Thompson

Ko te kopounga o tēnei o ngā Poari Kaiwhakahaere tētahi o ngā mahi nui hei waihanga i tētahi pūnaha ahumahinga piritahi, mauroa hoki,” ki tā Barry Jordan, te Heamana o te Poari Mātāmua.

“Ko te korounga ia mā ēnei kopounga e taurite ai te taha whakahaere me te taha ki ngā hononga taketake ā-rohe, ā hapori hoki.  E manawareka ana mātou i te momo o te tangata me ngā tirohanga rerekē kei ia poari, otirā ngā pūkenga me ngā tautōhito hei whakatinana i ngā hua pai mō ōna hapori anō.”

Ko te hiahia o te Education (Vocational Education and Training Reform) Amendment Act ko te iti rawa kia tokowhā, engari kia kaua e nui atu i te tokowaru ngā kaiwhakahaere mō te poari tuatahi o ia āpitihanga ITP, ā, ko tētahi haurua o aua kaiwhakahaere me mātua noho ki roto i te rohe e ratoa ana e taua āpitihanga. 

E ai ki te Heamana Poari a Thérèse Arseneau, “he pūtahi hou, ā, he huarahi hou anō hoki e tukua ai he pāinga mō tēnā, mō tēnā whakatipuranga mā te tūhonohono me te tuitui i ngā hiahia o te ahumahi me ngā tūmanako o ngā tauira, ngā iwi me ngā hapori o te rohe o Waitaha, ā, puta noa i Aotearoa.”

“Kei te tautoko a Ara i tēnei tirohanga roa, ina ka tika te whakatinanatanga, ka nui ngā hua ka puta mō tō tātou rohe, whenua hoki.”

Hei ārahi haere anō i te nekehanga atu i te wairua o te whakataetae ki te āhua o te kōtuituinga tuku ratonga ki tēnā, ki tēnā rohe, kua whakataungia e te Poari Whakapūmau kia noho tētahi mema Kaunihera o NZIST hei kaiwhakahaere ki ia poari āpitihanga ITP.  Tērā e whiwhi ia poari tētahi tangata hei ‘kopounga whakawhiti’. Ka whakataungia ēnei ingoa i te marama o Paengawhāwhā.

Mō te kopou i ngā kaiwhakahaere i whāia e te Poari Whakapūmau i tā te Treasury anga kopounga kaiwhakahaere ki ngā poari o ngā kamupene Karauna. Neke atu i te 370 ngā tono i tae mai i waenga i te wā o te Kirihimete me te huringa o te Tau Hou.

Katoa ngā kopounga ki ngā poari āpitihanga i whakamanahia e te kaunihera NZIST i te 1 April 2020. Ka whakamanahia ngā mema o tēnei Kaunihera e te Minita Mātauranga, Hon Chris Hipkins, i mua i te mutunga o Poutūterangi.

 

Thérèse Arseneau – Heamana

I tēnei wā ko Thérèse Arseneau te Heamana o te Poari o ChristchurchNZ, te Heamana o te Kaunihera o te Ara Institute o Canterbury, te Heamana o Regenerate Christchurch, te Kaiwhakahaere o J Ballantyne Company Ltd me te Heamana o te Christchurch Symphony Orchestra.

He kaipūtaiao tōrangapū ia, ā, kua mahi ia hei kaitātari tōrangapū, kaitātari pōtitanga hoki mō TVNZ me TV3 i Aotearoa mō CBC TV, Reo Irirangi hoki i Kānata. He mema hoki ia o te Paepae Tohunga o te Kaitiaki Take Kōwhiri mō te Whakataunga ā-iwi mō te Pūnaha Pōtitanga o 2011, me te arotake o muri mai i te whakataunga mō MMP.

Neke atuu i te 30 tau a Therese e mahi ana i roto i te rāngai mātauranga matua, me tana mahi hei pūkenga whare wānanga i Kānata i Aotearoa hoki, ā, i tēnei wā ko ia tētahi Ahorangi Tāpiri mō te Pūtaiao Tōrangapū i te Whare Wānanga o Waitaha. Kua whai Tohu Kairangi hoki ia mai i te Whare Wānanga o Oxford.

Melanie Taite-Pitama – Heamana Tuarua

He Tumuaki kura tuatahi a Melanie (Ngāi Tahu, Tauranga Moana), ā, koia hoki tētahi Kaiwhakahaere takirua i Tuahiwi Education Ltd. Neke atu i te 10 tau ia e noho ana hei kaitiaki, nō nā tata nei, koia tētahi mema o te poari o Ara Institute o Canterbury. Nō 2019 i whakawhiwhia ia ki te Tohu Kaitiakitanga mō Ngā Wāhine Māori.

E ngākaunui ana a Melanie ki te hāpai, ki te waihanga huarahi mō ngā tāngata, kia pai ake hoki ngā hua mō ngā ākonga, kia angitu anō ngā Māori, otirā ngā ākonga katoa.

Jane Cartwright

Nō 2011 i kopoua a Jane ki te Ara Institute o Canterbury, ko te Kaunihera CPIT i mua. I tēnei wā ko ia te heamana o Brackenridge Services Ltd, te Heamana Tuarua o te Tōpūtanga o Nurse Maude, he mema o te Health Practitioners Disciplinary Tribunal me tētahi Mema Whai Mana o te NZ Institute of Directors.

Kei te kawe a Jane i ētahi tūranga kaiārahi mō te Canterbury Clinical Network me NZ Breastfeeding Alliance. Kua kawea e ia ngā tūranga mātāmua i roto i te pūnaha hauora me te kāwanatanga ā-rohe me te ārahi i ngā mahi whakawhanake i roto i te hapori, me te hauora hinengaro, tūmatanui hoki.

Kua whai MBA a Jane mai i te Whare Wānanga o Ōtākou me te NZ Dietetic Registration hoki.

Nettles Lamont

He Kaiwhakahaere Kamupene ngaio a Nettles, ā, he Heamana hoki e tuku mōhiotanga kaitiakitanga, kaiārahitanga ana ki ngā Poari Kamupene puta noa i rāngai pakihi o Aotearoa. Mā te whakamahi pūkenga whakatipu rawa, pūkenga rautaki hoki, ka mahi a Nettles ki te whakapiki i te tangata me ngā kamupene kia tipu mauroa ai. 

Ko Nettles te kaiārahi o Conquest Training, tētahi kamupene e aronui ana ki te whakapiki i ngā pūkenga o te ohumahi o Aotearoa, te whakapiki pūkenga pānui, tuhituhi, mahi tatau hoki, te ako ngiao, me te rautaki.

E mahi ana i roto i ngā ahumahi pērā i te hanga whare, te whakanao, ngā ratonga, te hokohoko, te hī ika, te mahi ngahere, me ngā waka whenua. E ngākaunui a Nettles kia āhei ai te ohumahi ki te whakatipu pūkenga. He kanohi kitea anō ia i roto i ngā kaupapa  mahi aroha i ngā wāhi katoa o Te Wai Pounamu.

Andrea Leslie

Kei South Canterbury a Andrea e noho ana, ā, inā ke te whānui o āna mahi kaitiaki ngā poari ā-rohe, ā-motu hoki, ā, nō ngā tau tata nei hei kaikaunihera mō te Rohe o Timaru.

Taketake ana tōna hono ki ngā rāngai ahuwhenua, tukatuka hoki me āna mahi mō ngā tau e hia nei, i roto i te mātauranga ahumahinga, i tēnei wā e mahi ana ia hei kaiārahi i te Primary ITO.

E kaingākau ana a Andrea kia kaha ake te hononga o te ao mātauranga ahumahinga me ngā ahumahi, ngā kaitukumahi me ngā tauira kia mātua whakarite kia tika, anga tonu ki te āpōpō.

Bryn Thompson

He tāura a Bryn mai i ngā whakangungu ringarehe, ā, ka oti i ia te piatanga L5 Fitter/Welder B 1981- 1986 mai i te ako i te wāhi mahi i te Kuratini o Christchurch.

I muri i tana whakatū i te Metalcraft Engineering Company i 1991, kua tairangatia e te whakangungu ringarehe mā tana kamupene, me te tohutohu i ngā pakihi iti ki te āhua rahi kia pērā anō me te whaiwhakaaro ki te ahumahi, ā nā konā i pakari kē atu te puna ringarehe o roto i Ōtautahi.

Ko Bryn te heamana o ngā rōpū whakanao o te hapori, ā, mai i 2014 kua noho hoki ia ki te poari o te Whakahaere Whakangungu Ahumahi, hei whai koha tonu ia ki te ahumahi nāna tonu i ora ai rātou ko tōna whānau.